Ponse en coñecemento dos interesados na concentración parcelaria da zona de Vilanova-Merín II (Vedra-A Coruña), declarada de utilidade pública e urxente execución por Decreto 513/1990, do 14 de novembro (DOG nº 232, do 26 de novembro de 1990).

Primeiro.-Con data do 16 de marzo de 2000, o director xeral de Desenvolvemento Rural, aprobou o acordo de concentración da zona de Vilanova-Merín II (Vedra-A Coruña), logo de introducir no proxecto as modificacións oportunas á vista do resultado da enquisa deste último.

Segundo.-O acordo de concentración estará exposto ó público no Concello de Vedra e na zona, durante trinta días hábiles, contados desde o día seguinte ó da última publicación desta resolución no Diario Oficial de Galicia e no BOP, no xornal de mais circulación da provincia, no lugar habitual da parroquia e no taboleiro de anuncios do concello.

Terceiro.-No prazo dos devanditos trinta días, cabe interpoñer recurso de alzada ante o conselleiro de Agricultura, Gandería e Política Agroalimentaria e os recorrentes poderán presenta-lo recurso na Xefatura de Servicio de Estructuras Rurais (Edificio Administrativo, praza Luis Seoane, s/n, 6ª planta, A Coruña), nas oficinas centrais da consellería (San Caetano, s/n, Santiago) ou en calquera das dependencias ás que fai referencia o artigo 38 da Lei de réxime xurídico das administracións públicas e do procedemento administrativo común, por si mesmos ou por representación, facéndose constar no escrito un enderezo dentro do termo municipal para os efectos das notificacións que procedan.

Advírtese, ademais, que o acordo de concentración parcelaria só poderá ser obxecto de recurso de alzada se se infrinxen as formalidades prescritas para a súa eleboración e publicación ou se non se axustasen ás bases (artigos 36, 38, 40 e 41 da Lei de concentración parcelaria para Galicia do 14 de agosto de 1985).

A Coruña, 24 de marzo de 2000.

Rodolfo M. Rodríguez González

Xefe do Servicio de Estructuras Rurais da Coruña

Visto e prace

Rogelio del Valle Muñoz-Cobo

Delegado provincial da Coruña