De conformidade co establecido nas bases da convocatoria do concurso específico entre funcionarios para prover postos de traballo vacantes nesta corporación, publicada no Diario Oficial de Galicia nº 87 do 7-5-1999, resolver parcialmente o devandito concurso e, por proposta das respectivas comisións de valoración nomeadas para o efecto designa-los funcionarios que figuran de seguir para cubri-los postos que, así mesmo, se indican:

Posto de traballo: xefe de servicio.

Adscrición: servicio de fiscalización.

Apelidos e nome: Vila Domínguez, Julio.

DNI: 34.589.188-V

O cesamento no actual destino efectuarase no prazo de tres días, contados a partir da publicación desta resolución no Diario Oficial de Galicia.

A toma de posesión deberase realizar no prazo de tres días a partir do seguinte ó do cesamento, se se trata da mesma localidade na que preste os seus servicios o funcionario, ou no prazo dun mes se se trata de distinta localidade.

Contra esta resolución, que é definitiva en vía administrativa, poderase interpoñer recurso potestativo de reposición ante a presidencia desta deputación, no prazo dun mes, contado a partir do día seguinte ó da súa publicación no Diario Oficial de Galicia, segundo o establecido nos artigos 116 e 117 da Lei 30/1992, de réxime xurídico das administracións públicas e do procedemento administrativo común; ou directamente interpoñer recurso contencioso-administrativo no prazo de dous meses, contados tamén a partir do día seguinte ó da devandita publicación, ante o Xulgado do Contencioso-Administrativo da Coruña, conforme o disposto no artigo 46.1º, en relación co 8.1º da Lei 29/1998, reguladora da xurisdicción; sen prexuízo de que se poida exercer, se é o caso, calquera outro recurso que se considere procedente por parte dos interesados.

A Coruña, 7 de abril de 2000.

José Luis Torres Colomer

Presidente da Deputación Provincial da Coruña

José Luis Almau Supervía

Secretario da Deputación Provincial da Coruña