O Pleno da Corporación, na sesión extrordinaria que tivo lugar o día 15 de febreiro de 2000, aprobou inicialmente o Plan Xeral de Ordenación Municipal do Valadouro. De conformidade co preceptuado no artigo 42.1º da Lei 1/1997, do 24 de marzo, do solo de Galicia, ábrese un prazo de información pública por período dun mes, que se computará a partir do seguinte ó da publicación deste anuncio no Diario Oficial de Galicia, para os efectos de que calquera interesado poida formula-las reclamacións e/ou alegacións pertinentes.
Igualmente, segundo o establecido no artigo 34.2º.3 da Lei 1/1997 do 24 de marzo, do solo de Galicia, queda suspendido o procedemento de outorgamento de licencias, polo prazo dun ano, naquelas zonas do territorio obxecto de planeamento, cando as novas determinacións supoñan modificación do réxime urbanístico vixente.
O Valadouro, 27 de marzo de 2000.
Eulogio Fernández Sampayo.
Alcalde