De conformidade co disposto no artigo 59.4º da Lei de réxime xurídico das administracións públicas e do procedemento administrativo común do 26 de novembro de 1992, modificada pola Lei 4/1999, do 13 de xaneiro, notifícaselle á persoa mencionada a continuación (que non puido ser notificada no último enderezo coñecido que así mesmo se indica), a iniciación do expediente sancionador simplificado nº 36-3-00, por infracción en materia de defensa do consumidor.

O que se lle comunica ó interesado, para que no prazo de dez días hábiles, contados a partir do seguinte ó desta notificación, efectúe as actuacións preliminares, a achega de cantas alegacións ou informacións considere convenientes, e, se é o caso, a proposición e práctica de probas, advertíndolle ó interesado que lle queda posto de manifesto o expediente, e que, de non efectuar alegacións ó contido deste acordo de iniciación, este poderá ser considerado como proposta de resolución.

Expediente: 36-3-00.

Inculpado: Núcleo Motor, S.L.

Enderezo: r/ Manuel Lemos, 24-26 A Ramallosa-Nigrán (Pontevedra).

Motivos: o establecemento non exhibe o cartel co horario de apertura; non dispón de follas de reclamacións; non presentou o documento de compravenda da motocicleta obxecto da reclamación.

Data da iniciación: 18-2-2000.

Pontevedra, 20 de marzo de 2000.

Carmen Bianchi Valcarce.

Delegada provincial de Pontevedra