No BOP de Ourense, do día da data, publícanse íntegros os pregos de condicións para a contratación de servicios de prevención nas especialidades de Seguridade no Traballo e Medicina no Traballo, mediante concurso, por procedemento aberto e trámite urxente,

con tipo máximo de licitación de 3.903.114 pesetas por ano de vixencia para cada un dos concursos. As ofertas e documentación presentaranse ata as 12 horas do décimo terceiro día natural seguinte ó da publicación deste anuncio no DOG, no rexistro xeral da Deputación Provincial de Ourense. A apertura de documentación terá lugar o seguinte día hábil (agás sábados), ás 12 horas, no Pazo provincial. A documentación que hai que presentar, modelo de presentación e demais datos figuran no mencionado prego de condicións, que lles será facilitado gratuitamente ós que o soliciten, no rexistro da Deputación Provincial de Ourense, rúa Progreso, 32, ou por teléfono: 988 385100 e fax: 988 385184.

Ourense,11 de abril de 2000.

O presidente

Rubricado