No BOP de Pontevedra nº 48, con data do 9 de marzo deste ano, publicáronse as bases aprobadas por decreto da Alcaldía do 14 de febreiro de 2000, para a provisión de prazas vacantes incluídas na oferta de emprego público de 1998.
As prazas que se convocan son as seguintes:
Persoal funcionario:
Dúas prazas de garda da policía local mediante oposición libre.
As solicitudes presentaranse no rexistro xeral do Concello do Porriño (rúa Antonio Palacios, 1) durante o prazo de vinte días naturais, contados desde a publicación deste anuncio no Boletín Oficial del Estado. Tamén poderán presentarse na forma que determina o artigo 38 da Lei 30/1992.
Os sucesivos anuncios relativos a esta convocatoria publicaranse exclusivamente no taboleiro de edictos deste concello e no BOP de Pontevedra, cando proceda, de acordo coas bases da convocatoria.
O Porriño, 14 de marzo de 2000.
José Manuel Barros González
Alcalde