De conformidade co disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos no mencionado real decreto, faise público que na Sección de Mediación, Arbitraxe e Conciliación desta delegación provincial foron depositados a acta de constitución e os estatutos da Asociación Organización para la Búsqueda de Nuevos Mercados (Work), que abarcan os seguintes ámbitos.
Territorial: provincial.
Profesional: xestión, negociación, fomento e promoción, en materia de educación, economía e investigación, etc., que lles permita ós empresarios a integración efectiva e real nos mercados comunitarios.
Asinan a acta de constitución: Mª Ángeles Fernández García, presidenta, e outros.
Os estatutos depositados poderán ser examinados por calquera persoa interesada.
Vigo, 31 de marzo de 2000.
Antonio Coello Bufill
Delegado provincial de Pontevedra