DOG 76 do 18/04/2000 - RESOLUCIÓN do 4 de abril de 2000, da Dirección Xeral da Función Pública, pola que se lle dá publicidade á modificación das listas para a cobertura con carácter temporal de postos de traballo reservados a persoal laboral, publicadas por Resolución do 9 de febreiro de 2000, correspondente á categoría 30 (auxiliar de formación ocupacional) (lista A2) do grupo IV.

IV. OPOSICIÓNS E CONCURSOS

CONSELLERÍA DA PRESIDENCIA E ADMINISTRACIÓN PÚBLICA

RESOLUCIÓN do 4 de abril de 2000, da Dirección Xeral da Función Pública, pola que se lle dá publicidade á modificación das listas para a cobertura con carácter temporal de postos de traballo reservados a persoal laboral, publicadas por Resolución do 9 de febreiro de 2000, correspondente á categoría 30 (auxiliar de formación ocupacional) (lista A2) do grupo IV.

O conselleiro da Presidencia e Administración Pública dictou, con data do 13 de marzo de 2000, resolución estimatoria do recurso formulado por Elsa Blanco Miguélez, contra a Resolución do 9 de febreiro de 2000, pola que se fan públicas as listas definitivas para a cobertura con carácter temporal de postos de traballo reservados a persoal laboral, reguladas no Decreto 89/1997, do 10 de abril, correspondentes á categoría 30 (auxiliar de formación ocupacional) (lista A2) do grupo IV.

Dado que o carácter da resolución é estimatorio da petición do interesado, procede dárlle-la debida publicidade ás modificacións provocadas por estas, nas listas publicadas por Resolución do 9 de febreiro de 2000, no sentido de que deben figurar na lista para a cobertura con carácter temporal de postos correspondentes á categoría 30 (auxiliar de formación ocupacional) (lista A2) do grupo IV, cos datos seguintes:

-Elsa Blanco Miguélez, DNI: 52.483.099, lista A2, puntuación: 19,115 puntos.

-No posto número 3 para o ámbito D0000.

-No posto número 2 para o ámbito D1500.

-No posto número 1 para o ámbito D2700.

-No posto número 1 para o ámbito D3200.

-No posto número 2 para o ámbito D3600.

En consecuencia, varíase correlativamente a orde de prelación dos solicitantes posteriores incluídos na lista correspondente.

Esta resolución non afecta as modificacións e/ou exclusións producidas como consecuencia da propia xestión das listas.

Contra esta resolución, que pon fin á vía administrativa, os interesados poderán interpoñer, con carácter potestativo, recurso de reposición ante o conselleiro da Presidencia e Administración Pública no prazo dun mes contado desde o día seguinte ó da publicación da presente resolución, ou, directamente, o recurso contencioso-administrativo, no prazo de dous meses contados desde o día seguinte ó da súa publicación, perante o Xulgado do Contencioso-Administrativo da Coruña, conforme o artigo 14.2º da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 4 de abril de 2000.

Joaquín López-Rúa Soler

Director xeral da Función Pública