Aprobado polo concelleiro-delegado o expediente de contratación para a adquisición, polo sistema de concurso, da subministración dun camión con basculante, con destino ós servicios operativos municipais, exponse ó público polo prazo de 8 días desde a publicación deste anuncio.

Así mesmo, anúnciase a apertura do período de licitación para a presentación de ofertas respecto do antedito procedemento, podendo aprazarse a licitación no caso de que se formulasen reclamacións, mentres estas non fosen resoltas.

1. Entidade adxudicadora.

a) Organismo: Concello da Cañiza.

b) Dependencia que tramita o expediente: secretaría xeral.

2. Obxecto do contrato.

Subministración dun camión con basculante, con destino ós servicios operativos municipais, de acordo coas determinacións contidas no prego de prescricións técnicas.

3. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso.

4. Orzamento base de licitación.

11.000.000 de pesetas (inclúense tódolos impostos e gastos que se xeren).

5. Garantías.

a) Provisional: 2% do orzamento de licitación.

b) Definitiva: 4% do orzamento de licitación.

6. Obtención de documentación e información.

a) Lugar: secretaría xeral do concello.

b) Prazo: durante os trece días naturais seguintes ó da publicación deste anuncio no DOG ou no BOP (a derradeira publicación).

7. Presentación das ofertas.

a) Prazo de presentación: durante os trece días naturais seguintes ó da publicación deste anuncio no DOG ou no BOP (a derradeira publicación).

b) Documentación que hai que presentar: a esixida no prego de condicións.

c) Lugar de presentación: no rexistro xeral do Concello da Cañiza, esixida das 9.30 ás 13.30 horas, de luns a sábado, ou ben de calquera das maneiras previstas na Lei 30/1992.

d) Prazo durante o cal está obrigado o licitador a mante-la súa oferta: 3 meses desde a apertura de proposicións.

e) Modelo de proposición: axustarase ó que figura no prego de condicións.

8. Apertura das ofertas.

A mesa de contratación procederá á apertura das plicas dentro dos trece días hábiles seguintes ó do remate do prazo para súa presentación, no salón de comisións da casa do concello.

9. Gastos.

Serán por conta do adxudicatario tódolos gastos que se puidesen xerar pola publicación dos correspondentes anuncios, toda clase de tributos derivados do contrato, e os de transporte, entrega e matriculación do vehículo.

A Cañiza, 10 de marzo de 2000.

Manuel Gregorio Pérez

Tenente-alcalde