De conformidade co disposto no artigo 48.2º da Lei do solo de Galicia, 1/1997, do 24 de marzo, procédese á publicación do acordo da aprobación do estudio de detalle.

A Comisión de Goberno, na súa sesión ordinaria do día 3 de marzo de 2000, acordou:

Primeiro.-Aprobar definitivamente o expediente do estudio de detalle por instancia de Pumade, S.A. e redactado polo arquitecto Juan García Pérez, da parcela sita en Botos, AR-38, polígono 5.

Segundo.-Proceder a realiza-los trámites que correspondan sobre o dito expediente insertando o texto no BOP, e o acordo no DOG.

Recursos: contra o presente acordo poderá interpoñerse directametne recurso contencioso-administrativo diante o Tribunal Superior de Xustiza de Galicia, Sala do Contencioso-Administrativo, no prazo de dous meses contados desde o día seguinte á publicación deste anuncio no DOG. Así mesmo, poderase interpoñer con carácter previo e potestativo, e no prazo dun mes a partir do día seguinte ó da publicación deste anuncio no DOG, recurso de reposición diante da Comisión de Goberno por delegación; neste caso, o prazo para interpoñer recurso contencioso-administrativo contarase desde o día seguinte a aquel no que se lle notifique a resolución expresa ou se produza a desestimación presunta (prodúcese polo transcurso dun mes desde a presentación) do recurso de reposición, se é o caso, interposto. Ata entón non se poderá interpoñer recurso contencioso-administrativo.

Poderase empregar calquera outro recurso que coide conveniente.

Lalín, 8 de marzo de 2000.

O alcalde-presidente

Rubricado