De conformidade con disposto no título X da Lei 54/1997, do 27 de novembro, do sector eléctrico, (BOE do 28 de setembro), e decretos 2617 e 2619/1966, do 20 de outubro, sobre instalacións eléctricas (BOE do 24 de outubro), de aplicación

transitoria, incóase o expediente e sométese a información pública a solicitude de Unión Fenosa Distribución, S.A. con enderezo na Avda. de Arteixo, 171 da Coruña, como entidade beneficiaria, para a autorización administrativa; a declaración de utilidade pública, que levará implícita a urxente ocupación, para os efectos de expropiación forzosa e imposición de servidumes de paso sobre os bens e dereitos que se afecten; e aprobación do proxect de execución das instalacións de:

A liña eléctrica aérea de media tensión, a 15/20 kV, sobre apoios de formigón e con conductor LA-56, de 1.164 m de lonxitude, con orixe no apoio nº 14, que se vai substituír, da liña POR 706 derivada a Frechazo e final no C.T. Murgas de Besaño, que se vai instalar. Centro de transformación, tipo intemperie, de 50 kVA e tensións de 15/20/0,380-0,220 kV en Murgas de Beseño, do que parte rede de baixa tensión, sobre apoios de formigón e conductor R.Z. de 1.150 m de lonxitude. Coa finalidade de mellora-la seguridade e calidade da subministración das zonas de Murgas de Turces, Murgas de Beseño e Vilanova. No termo municipal de Touro. (Expediente 74/2000).

O que se fai público para coñecemento xeral en especial dos propietarios e demais titulares afectados dos que se insire relación no anexo desta resolución, así como as persoas que sendo titulares de dereitos reais ou intereses económicos sobre os bens afectados que fosen omitidos, para que poidan examina-lo expediente no que constan as características e afeccións derivadas do proxecto nesta delegación provincial, situada no edificio administrativo Monelos s/n, 15071 A Coruña, e presenta-las alegacións oportunas no prazo de 30 días, contados desde o día seguinte á última publicación desta resolución.

Esta publicación realízase igulamente para os efectos do artigo 59.4º da Lei 4/1999, do 13 de xaneiro, de modificación a Lei 30/1992, do 26 de novembro, de réxime xurídico das administracións públicas e do procedemento administrativo común, de resultaren os titulares dos predios propostos como descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan, de conformidade co artigo 5 da Lei de expropiación forzosa, do 16 de decembro de 1954.

A Coruña, 17 de marzo de 2000.

Jesús Espada Martínez

Delegado provincial da Coruña

Relación de propietarios, bens e dereitos afectados

Expediente: 74/2000 Provincia: A Coruña

L.M.T., C.T.. R.B.T. Murgas de BeseñoTermo municipal: Touro

SoloVoo

NºLugarCultivoNome e apelidosEnderezonº apoiommlm