Orde do 3 de marzo de 2000 ten por obxecto establece-las bases das axudas dirixidas á entidades agrarias co obxecto de promove-la creación de emprego a través de actividades privadas dinamizadoras do sector agrario, sempre e cando teñan como cometido algún dos seguintes fins:
-Creación e afianzamento do emprego.
-Busca de actividades complementarias.
-Creación de sistemas productivos de réxime asociativo que persigan a reducción de custos e/ou a mellora da calidade de materias primas así como o acondicionamento e primeira transformación das produccións en procura dun valor engadido.
-O establecemento de sistemas de producción respectuosos co ambiente e a saúde de consumidores.
-A dotación tecnolóxica e asistencia técnica.
O seu artigo 6º fixa o prazo de presentación das solicitudes en 30 días naturais contados a partir do seguinte ó da publicación da citada orde.
A importancia dos programas agrarios de desenvolvemento comarcal que comportan unha interacción entre distintos sectores (productor, transformador e comercializador) e a agrupación dos distintos axentes en cada sector, fai necesaria en moitos casos unha complexa xestión dos expedientes de solicitude.
En consecuencia, de acordo co disposto no artigo 30.1º 3 do Estatuto de autonomía de Galicia e en uso das facultades que me confire a Lei 1/1983, do 22 de febreiro, reguladora da Xunta e do seu presidente,
DISPOÑO:
Artigo único.-Prórrogase o prazo de presentación das solicitudes previsto no artigo 6º da orde desta consellería do 3 de marzo de 2000, por un período de 15 días hábiles.
Disposición derradeira
Esta orde entrará en vigor o mesmo día da súa publicación no Diario Oficial de Galicia.
Santiago de Compostela, 10 de abril de 2000.
Cástor Gago Álvarez
Conselleiro de Agricultura, Gandería e Política
Agroalimentaria