De conformidade co disposto no artigo 59.4º da Lei de réxime xurídico das administracións públicas e do procedemento administrativo común do 26 de novembro (BOE do 27 de novembro), notifícaselle á empresa Europea de Gas Butano, S.L. (que non puido ser notificada no seu último domicilio coñecido), o seguinte laudo en equidade: estímase a reclamación formulada por Agustín Pombo López, entendendo que a instalación levada a cabo pola empresa Europea de Gas Butano, S.L. na cociña do reclamante non se axusta á normativa vixente, motivo polo que deberá proceder a unha nova instalación de acordo coa dita normativa, ou, no seu defecto, á devolución da cantidade cobrada ó reclamante pola súa instalación. O dito laudo foi adoptado por unanimidade.
O prazo para o cumprimento deste laudo é de 15 días a partir da súa notificación.
Notifíqueselles ás partes este laudo, facéndolles saber que ten carácter vinculante e executivo e que é eficaz desde o día da súa notificación, así como que contra el cabe o recurso de anulación de acordo co previsto no artigo 45 e seguintes da Lei 36/1988, de arbitraxe, do 5 de decembro.
E para que conste, asinan este laudo os membros do Colexio Arbitral, ante o seu secretario, na sede da Xunta Arbitral de Consumo de Galicia en Santiago de Compostela: o presidente, Carlos Martul Álvarez de Neyra, a vocal representante dos consumidores, Paula Villasesín Parrado, e o vocal representante dos empresarios, Alfredo Pichel Sousa.
Expediente: 3499280.
Reclamado: Europea de Gas Butano, S.L.
Enderezo: Ulpiano Villanueva, 1, 15705 Santiago de Compostela.
A Coruña, 17 de marzo de 2000.
Jesús Espada Martínez
Delegado provincial da Coruña