Por Orde do 25 de xaneiro de 2000 (DOG nº 26, do 8 de febreiro), anunciouse a convocatoria pública para a provisión dunha praza pertencente á estructura organizativa do Complexo Hospitalario de Santiago de Compostela.
Transcorrido o prazo de presentación de solicitudes e cumpridos os trámites previstos no Decreto 178/1994, do 16 de xuño, polo que se desenvolve a estructura organizativa do Complexo Hospitalario de Santiago de Compostela, esta consellería, en uso das facultades que na dita norma se lle outorgan,
DISPÓN:
Primeiro.-Resolve-la convocatoria pública para a provisión, polo sistema de libre designación, dunha praza pertencente á estructura organizativa do Complexo Hospitalario de Santiago de Compostela, anunciada por Orde do 25 de xaneiro de 2000 (DOG nº 26, do 8 de febreiro).
Segundo.-Adxudicarlle destino, na praza que se indica, á persoa seleccionada no anexo desta orde.
Terceiro.-Contra esta orde, que pon fin á vía administrativa, poderase interpoñer potestativamente recurso de reposición ante este mesmo órgano, no prazo dun mes contado a partir do día seguinte ó da súa publicación. De non estima-la interposición deste recurso, poderase interpoñer recurso contencioso-administrativo ante o xulgado do contencioso-administrativo competente, no prazo de dous meses contados a partir do día seguinte ó da súa publicación.
Santiago de Compostela, 23 de marzo de 2000.
José Mª Hernández Cochón
Conselleiro de Sanidade e Servicios Sociais
ANEXO
Posto: director de Recursos Económicos e de Servicios Xerais.
Nome e apelidos: Ramón Herbello Alonso.
DNI: 36.018.461.
Titulación académica: titulación superior.