Por providencia da Sala do Contencioso-Administrativo, Sección Primeira, do Tribunal Superior de Xustiza de Galicia, reclámase o expediente administrativo relativo ó recurso contencioso-administrativo número 01/0000139/2000 interposto por Cooper Zeltia Veterinaria, S.A. contra resolución da consellería de Medio Ambiente do 31 de xaneiro de 2000, desestimatoria do recurso de reposición contra a Orde do 8 de outubro de 1999, pola que se declaran como solo contaminado os terreos afectados do polígono de Torneiros, no Concello do Porriño (Pontevedra).

En consecuencia, de conformidade co disposto no artigo 49 da Lei 29/1998, de 13 de xullo, reguladora da xurisdicción contencioso-administrativa, esta consellería acorda a remisión do reclamado expediente administrativo ó devandito tribunal, o que se notifica para xeral coñecemento de tódalas persoas interesadas nel e se emprazan para que poidan comparecer en forma como demandados no prazo de nove días perante a Sala do Contencioso-Administrativo, Sección Primeira do Tribunal Superior de Xustiza de Galicia.

Santiago de Compostela, 24 de marzo de 2000.

José Carlos del Álamo Jiménez

Conselleiro de Medio Ambiente