Aprobado inicialmente pola Comisión de Goberno, en sesión do 10 de febreiro de 2000, o proxecto técnico de finalización da residencia terceira idade (anualidade 2000), redactado polo arquitecto Carlos Rosón Gasalla, queda exposto ó público na secretaría deste concello, durante o prazo de quince días hábiles, que comezarán a contarse desde o día seguinte ó da inserción deste edicto no BOP, para efectos de exame e reclamacións.
Na mesma sesión tamén se aprobaron os pregos de cláusulas administrativas que rexerán o concurso público por procedemento aberto da obra de finalización residencia terceira idade (anualidade 2000), expóñense ó público por un prazo de oito días hábiles, para os efectos de que os interesados poidan examinalos e formula-las alegacións que consideren oportunas. Pola súa vez, convócase licitación pública para a adxudicación da citada obra, que quedaría aprazada no suposto de presentárense reclamacións ó proxecto técnico ou prego, reiniciándose, o que reste, a partir do día seguinte ó da resolución das reclamacións.
Obxecto do contrato: é a adxudicación, mediante concurso polo procedemento aberto, da obra de finalización residencia terceira idade (anualidade 2000).
Tipo de licitación: é de 24.000.000 de ptas., con IVE incluído.
Prazo de execución: 5 meses.
Garantías: a provisional establécese en 480.000 ptas. e a definitiva igual ó 4% do importe de adxudicación.
Prazo de presentación de proposicións: presentaranse na secretaría do concello, de 9 a 13 horas, durante o prazo de 26 días naturais, contados desde o día seguinte ó da publicación deste anuncio no BOP.
Apertura de plicas: terá lugar ás nove horas do primeiro día hábil seguinte ó que termine o prazo de presentación de proposicións. Se este fose sábado, terá lugar o primeiro día hábil seguinte.
Criterios de adxudicación: serán os fixados na correspondente cláusula do prego de condicións.
Modelo de proposición: o recollido na correspondente cláusula do prego. Os licitadores presentarán simultaneamente coa proposición e en sobre cerrado os documentos que se indican na referida cláusula.
Gastos: serán por conta do adxudicatario os gastos dos anuncios, así como tódolos derivados do contrato.
Vila de Cruces, 29 de febreiro de 1999.
Alcalde-presidente
Rubricado