Convocadas polas ordes do 17 de setembro (DOG nº 192, do 4 de outubro), do 22 de outubro (DOG nº 214, do 5 de novembro), e do 16 de decembro de 1999 (DOG nº 2, do 4 de xaneiro de 2000) a provisión, polo sistema de libre designación, de tres postos de traballo vacantes no Instituto Lácteo e Gandeiro de Galicia, en uso das facultades e atribucións conferidas no artigo 15.4º da Lei 4/1988, do 26 de maio, da función pública de Galicia, modificada polas leis 4/1991, do 8 de marzo e 3/1995, do 10 de abril, de conformidade co disposto no artigo 27.2º da dita lei, e no artigo 16 do Decreto 93/1991, do 20 de marzo, e no punto sexto das convocatorias, esta consellería dispón resolve-las ditas convocatorias de acordo cos seguintes puntos:

Primeiro.-Adxudicarlles destino, nos dous postos de traballo que se indican, ós funcionarios que se relacionan no anexo I da presente orde.

Segundo.-O cesamento no destino actual dos funcionarios que obteñan praza producirase no prazo de tres días, contados a partir do seguinte ó da data de publicación desta orde no Diario Oficial de Galicia.

O prazo para a toma de posesión do novo destino será de tres días a partir do seguinte ó do cesamento de tratarse da mesma localidade onde actualmente o funcionario preste servicios, ou dun mes se radica en distinta localidade, de conformidade co establecido no artigo 14 do Decreto 93/1991, do 20 de marzo, e co disposto na base sétima das convocatorias.

Terceiro.-As xefaturas dos centros nos que causen baixa os funcionarios, así como daquelas nas que obteñan praza consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión das que se dará traslado, mediante copia, á Dirección Xeral da Función Pública.

Cuarto.-Declarar deserto o posto de traballo que se indica como anexo II a esta orde.

Quinta.-Contra esta orde, que esgota a vía administrativa, os interesados poderán interpoñer potestativamente recurso de reposición ante este mesmo órgano no prazo dun mes, contado a partir do día seguinte ó da súa publicación, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou poderán interpoñer recurso contencioso-adminis

trativo ante o xulgado do contencioso-administrativo competente no prazo de dous meses contados a partir do día seguinte ó da súa publicación.

Santiago de Compostela, 15 de marzo de 2000.

Cástor Gago Álvarez

Conselleiro de Agricultura, Gandería e Política Agroalimentaria

ANEXO I

NRP: 32.419.304.13 A2063.

Grupo: A.

Apelidos e nome: Giménez de Azcárate Cornide, Ramón.

Posto de traballo: xefe do Servicio de Axudas PAC.

Código do posto: AG.A02.00.000.15770.003.

Centro directivo: Subdirección Xeral do Ilgga.

Localidade: Santiago de Compostela.

NRP: 01.048.089.02 A5026.

Grupo: B.

Apelidos e nome: Ramil Guntín, Jesús.

Posto de traballo: xefe do Servicio de Intervención de Mercados.

Código do posto: AG.A02.00.000.15770.007.

Centro directivo: Subdirección Xeral do Ilgga.

Localidade: Santiago de Compostela.

ANEXO II

Denominación do posto: xefe do Servicio de Axudas Estructurais.

Dependencia: Subdirección Xeral do Ilgga.

Localidade: Santiago de Compostela.

Código do posto: AG.A03.00.000.15770.004.