O Consello da Xerencia Municipal de Urbanismo de Vigo, en sesión do día 2 de marzo de 2000, acordou aprobar inicialmente o proxecto de urbanización da U.E. IV-12 Ramón Nieto, 6 (expediente 4164/401), presentado por Enrique Ramírez Piñeiro, en representación da entidade Pirsa O Grove, S.A. redactado e refundido polos arquitectos José Luis Pereiro Alonso e Borja Ramilo Méndez, e visado polo COAG o 18 de outubro de 1999.
Procédese ó trámite de información pública do citado proxecto durante o período dun mes a través de publicación no DOG e nun dos xornais de maior circulación da provincia. Signifícase que o prazo de exposición se entenderá aberto desde a primeira publicación ata o remate do mes contado desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público.
O presente anuncio servirá de notificación nos termos do artigo 59 da Lei de réxime xurídico das
administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.
Vigo, 16 de marzo de 2000.
Lois Pérez Castrillo
Alcalde-presidente da Xerencia Municipal
de Urbanismo