A Comisión de Goberno do Concello de Santiago de Compostela, na sesión que tivo lugar o día 21 de febreiro de 2000, aprobou inicialmente o estudio de detalle do polígono 2 do SUP-5 da Choupana, redactado polos servicios técnicos municipais.
O ámbito obxecto de ordenación está comprendido entre os seguintes lindes:
Norte: terreos anexos ó grupo de vivendas de San Ignacio de Loyola; Avda. do Mestre Mateo e terreos do polígono 1 do SUP-5.
Sur: estrada de Pontevedra, grupo de vivendas de Saconia e rúa do Escultor Ferreiro.
Leste: terreos do polígono 1 do SUP-5 e PERI de Santa Marta.
Oeste: terreos do Hospital Gil Casares e do novo Hospital Clínico da Choupana.
En cumprimento do que dispón o artigo 44.3º da Lei 1/1997, do solo de Galicia (LSG), o expediente sométese a información pública durante o prazo dun mes, contado a partir do día seguinte ó da publicación deste anuncio no Diario Oficial de Galicia e nun xornal de circulación na provincia. Durante este prazo, os interesados poderán consulta-lo expediente na Sección de Planeamento e Xestión e formular por escrito as alegacións que xulguen oportunas.
A aprobación inicial do estudio de detalle determina automaticamente, por aplicación do disposto no artigo 34.2º da LSG, a suspensión do outorgamento de licencias no ámbito obxecto de ordenación para tódolos usos e obras que resulten incompatibles coa ordenación proxectada.
Santiago de Compostela, 2 de marzo de 2000.
Xosé A. Sánchez Bugallo
Alcalde