A Dirección Xerencia do Complexo Hospitalario Xeral-Cíes de Vigo, en virtude das atribucións que
lle foron delegadas conforme o establecido no artigo 7 da orde da Consellería de Sanidade e Servicios Sociais do 21 do abril de 1998 (Diario Oficial de Galicia nº 88, do 11 de maio), convoca os seguintes concursos:
* Expediente: 27/2000:
1. Obxecto: contratación do servicio de hixienizado de roupa plana e de forma do Complexo Hospitalario Xeral-Cíes.
2. Orzamento: 18.000.000 de pesetas/ano (108.182,18 euros), IVE incluído.
3. Prazo de execución: desde a data de formalización do contrato e ata o 31-12-2000, podendo prorrogarse expresamente logo do acordo das partes, e dentro dos límites do artigo 199.1º da Lei de contratos das administracións públicas.
4. Admisión de variantes: non se admitirán variantes.
5. Garantía provisional: non se esixe.
6. Forma de adxudicación: concurso público, procedemento aberto e tramitación urxente.
7. Clasificación: non se esixe.
8. Solvencia económica e financeira: acreditarase por calquera dos medios previstos no artigo 16 da Lei de contratos das administracións públicas (Lei 13/1995, do 18 de maio, BOE nº 119, do 19 de maio).
9. Solvencia técnica: acreditarase por calquera dos medios previstos no artigo 19 da Lei 13/1995, do 18 de maio, de contratos das administracións públicas (BOE nº 119, do 19 de maio).
10. Criterios de adxudicación: ver prego de cláusulas administrativas (punto 11).
11. Documentación: o prego de cláusulas administrativas particulares e demais documentación complementaria pódese solicitar no Servicio de de Contratación Administrativa do Complexo Hospitalario Xeral-Cíes, rúa Pizarro, 22, 36204 Vigo, en días laborables desde as 9 ata as 14 horas. Teléfono: 986 81 60 28.
12. Prazo de presentación de proposicións: as proposicións deberanse presentar en man no rexistro xeral do Complexo Hospitalario Xeral-Cíes, antes das 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia, ou por correo na forma indicada no artigo 100 do RXCE.
13. Documentación que deben presenta-los licitadores: presentarán en sobre pechado e asinado polo licitador a solicitude para participar, así como a documentación persoal, referencias técnicas e oferta económica, descritas no prego de cláusulas administrativas.
14. Apertura de proposicións: a apertura das proposicións admitidas realizarase pola mesa de contratación, reunida en acto público, na sala de xuntas do Hospital Xeral ás 8.30 horas do décimo primeiro
día natural contado a partir do seguinte a aquel en que remate o prazo de presentación de ofertas. No caso de que coincida en sábado ou festivo, a apertura das proposicións terá lugar no día hábil seguinte.
15. Anuncios: o importe deste anuncio será por conta do adxudicatario do contrato.
Vigo, 29 de febreiro de 2000.
José Manuel González Álvarez
Director xerente do Complexo Hospitalario
Xeral-Cíes de Vigo