A Xunta de Compensación da unidade de execución (UE) V-AB do PERI IV-05 Travesía de

Vigo-Aragón A e B, con data do 20 de xaneiro de 2000, acordou aprobar inicialmente o proxecto de compensación da devandita unidade de execución, presentado no rexistro xeral da Xerencia Municipal de Urbanismo con data do 8 de febreiro.

De conformidade co establecido no artigo 133.8º, en relación co artigo 102.4º da Lei 1/1997, do 24 de marzo, do solo de Galicia, sométese o devandito proxecto a exposición pública polo prazo de vinte días desde a publicación deste anuncio no Diario Oficial de Galicia, para que se presenten cantas alegacións ou documentos se consideren por convenientes.

O expediente atópase á disposición do público na oficina de Información da Xerencia Municipal de Urbanismo (planta baixa do edificio da Xerencia).

Vigo, 15 de febreiro de 2000.

Lois Pérez Castrillo

Alcalde-presidente da Xerencia Municipal de Urbanismo