O Pleno do Concello, en sesión do 27 de xaneiro de 2000, aprobou definitivamente o Plan especial de ordenación do sistema xeral SU-3 (mercado de maioristas), promovido pola sociedade Mercados Centrales de Abastecimiento de Santiago (Mercagalicia, S.A.).

De conformidade co disposto no artigo 48.2º da Lei do solo de Galicia publicouse no BOP nº 51, do día 2 de marzo de 2000, o texto íntegro da normativa urbanística do plan especial definitivamente aprobado.

Contra o acto de aprobacion definitiva, que pon fin á vía administrativa, poderase interpor recurso potestativo de reposición perante o Pleno do Concello no prazo dun mes contado desde o día seguinte ó da súa publicación no Diario Oficial de Galicia. Alternativamente, o acto de aprobación definitiva poderá impugnarse directamente en vía xurisdiccional mediante a interposición de recurso contencioso administrativo perante o Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.

No suposto en que se interpoña recurso administrativo de reposición, non poderá interpoñerse recurso contencioso-administrativo mentres non se resolva expresa ou presuntamente o recurso de reposición interposto. En tal caso, o prazo para interpoñe-lo recurso contencioso-administrativo contarase desde o día seguinte a aquel en que se notifique a resolución expresa do recurso potestativo de reposición ou no que este deba entenderse presuntamente desestimado. No suposto de desestimación presunta do recurso de reposición, o prazo para interpoñe-lo recurso contencioso-administrativo é de seis meses.

Santiago de Compostela, 2 de marzo de 2000.

Xosé A. Sánchez Bugallo

Alcalde