Convocadas a provisión as prazas dos corpos docentes universitarios que se relacionan no anexo e dándolle cumprimento ó disposto no artigo 6 do Real decreto 1888/1984, do 26 de setembro (BOE do 26 de outubro), no artigo 1 do Real decreto 1427/1986, do 13 de xuño (BOE do 11 de xullo) e no artigo 17 e) do Real decreto 552/1985, do 2 de abril (BOE do 27).
Esta secretaría xeral resolveu sinala-la celebración dos sorteos correspondentes ás prazas sinaladas no citado anexo, co fin de designa-los membros das comisións que deben ser elixidos por este procedemento, para o día 22 de marzo de 2000, ás dez horas. Os sorteos realizaranse polo sistema informático aprobado pola Comisión Académica do Consello de Universidades na súa sesión do 14 de xullo de 1995, de modo secuencial, segundo a orde en que figuran relacionados no anexo citado.
Os ditos sorteos celebraranse na sede do Consello de Universidades (Cidade Universitaria, sen número, 28040 Madrid).
Para os efectos previstos no artigo 1 do Real decreto 1888/1984, do 26 de setembro, a partir da data da presente resolución faranse públicas as relacións dos profesores que participarán nos sorteos no Consello de Universidades.
Das citadas relacións e no momento do sorteo serán excluídos aqueles profesores que:
-Pertenzan á mesma universidade á que corresponda a praza.
-Fosen designados para formar parte da comisión titular pola universidade á que corresponda a praza.
-Sexan aspirantes e pertenzan á mesma área de coñecemento á que corresponda a praza.
As reclamacións contra as referidas relacións formularanse antes do día 17 de marzo de 2000, dirixidas á Secretaría Xeral do Consello de Universidades (Cidade Universitaria, sen número, 28040 Madrid).
Nos concursos nos que non existan profesores abondos do corpo e área de coñecemento a que corresponda a praza, aplicarase o disposto no artigo 1 do Real decreto 1427/1986, do 13 de xuño, que modifica o artigo 6.9º do Real decreto 1888/1984, do 26 de setembro.
O que lle comunico a V.I. para o seu coñecemento e efectos.
Madrid, 28 de febreiro de 2000.
Vicente Ortega Castro
Secretario xeral do Consello de Universidades
Vicesecretaria xeral do Consello de Universidades
ANEXO
UNIVERSIDADE DA VIGO
* Concursos convocados por resolución da universidade de Vigo do 29-9-1999 (BOE do 28 de outubro).
Concurso nº: 35.
Nº sorteo: 40.110.
Corpo: catedráticos de universidade.
Área de coñecemento: literatura española.
Presidente titular: Luis Iglesias Feijóo.
Vocal secretario titular: José Manuel González Herrán.
Concurso nº: 36.
Nº sorteo: 40.111.
Corpo: catedráticos de universidade.
Área de coñecemento: dereito do traballo e da Seguridade Social.
Presidente titular: Alfredo Montoya Melgar.
Vocal secretario titular: Francisco Javier Gárate Castro.
Concurso nº: 37.
Nº sorteo: 40.112.
Corpo: profesores titulares de escola universitaria.
Área de coñecemento: economía aplicada.
Presidente titular: Alberto Gago Rodríguez.
Vocal secretario titular: Gustavo Rego Veiga.
Concursos convocados por resolución da Universidade de Vigo do 21-10-1999 (BOE do 16 de novembro).
Concurso nº: 38.
Nº sorteo: 40.113.
Corpo: profesores titulares de universidade.
Área de coñecemento: física aplicada.
Presidenta titular: Mª Inmaculada Paz Andrade.
Vocal secretario titular: José Luis Legido Soto.
Concurso nº: 39.
Nº sorteo: 40.114.
Corpo: profesores titulares de universidade.
Área de coñecemento: dereito civil.
Presidenta titular: Silvia Díaz Alabart.
Vocal secretario titular: Ángel Luis Rebolledo Varela.
Concurso nº: 40.
Nº sorteo: 40.115.
Corpo: profesores titulares de escola universitaria.
Área de coñecemento: lingua española.
Presidenta titular: Mª Carmen Enríquez Salido.
Vocal secretario titular: Joaquín Sueiro Justel.
Concurso nº: 41.
Nº sorteo: 40.116.
Corpo: profesores titulares de escola universitaria.
Área de coñecemento: didáctica e organización escolar.
Presidente titular: Alfonso Cid Sabucedo.
Vocal secretaria titular: Manuela Raposo Rivas.
