O Consello da Xerencia Municipal de Urbanismo, en sesión do día 24 de febreiro de 2000, acordou aprobar inicialmente a rectificación do proxecto de reparcelación da U.E. I-07 Rosalía de Castro, 3 (expediente 3793/411), aprobado polo Concello Pleno en sesión do 21 de marzo de 1997, e a súa corrección de erros aprobada polo mesmo órgano con data do 30 de abril de 1999, no sentido de modifica-la descrición do predio nº 3 do plano de información de propiedades no epígrafe «Descrición técnica» nos seguintes termos:
Onde di: «TÉCNICA: resto de 44 m da agrupación dos predios descritos (que tiñan unha superficie total de 280 m segundo expediente de expropiación da rúa Rosalía de Castro do ano 1960); para a apertura daquela ocupáronse polo Concello de Vigo 236 m, restando no interior da unidade de execución os 44 m que se citan.
Lindeiros: norte Livors, S.L. (predio nº 4 dos descritos neste expediente); sur, leste e oeste, terreos cedidos ó Concello de Vigo para vías».
Debe dicir: «TÉCNICA: resto de 44 m procedente do predio nº 2.856 descrito como nº 2 do devandito
predio nº 3 dos achegados, cos datos de identificación e lindeiros antes expresados (os dous predios descritos co nº 1 e 2 do denominado predio nº 3 dos achegados tiñan unha superficie total de 280 m segundo expediente de expropiación da rúa Rosalía de Castro do ano 1960. Para a apertura daquela ocupáronse polo Concello de Vigo 236 m, restando no interior da unidade de execución os 44 m que se citan e que formaban parte do nº 2).
Lindeiros: norte Livors, S.L. (predio nº 4 dos descritos neste expediente); sur, leste e oeste, terreos cedidos ó Concello de Vigo para vías».
Sométese este expediente ó trámite de información pública polo prazo de vinte días con citación persoal dos interesados e a través da correspondente publicación no Diario Oficial de Galicia, segundo o establecido no artigo 102.4º da Lei 1/1997, do 24 de marzo, do solo de Galicia, significando que o prazo de exposición pública se entenderá aberto desde o día de publicación do DOG.
A documentación atópase á disposición do público na oficina de información sita na planta baixa da Xerencia Municipal de Urbanismo.
Este anuncio servirá de notificación nos termos establecidos no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, para tódolos propietarios ou interesados directamente afectados que, por resultaren descoñecidos ou ignorado o seu enderezo, non poidan ser notificados persoalmente.
Vigo, 1 de marzo de 2000.
Lois Pérez Castrillo
Alcalde-presidente da Xerencia Municipal
de Urbanismo