Visto o expediente de revisión salarial para o período comprendido entre o 1-4-1998 e o 31-3-1999 no convenio colectivo do sector da carpintería de ribeira da provincia da Coruña, que tivo entrada nesta delegación provincial o día 3-2-2000, subscrito en representación da parte económica pola Asociación Provincial de Empresas de Carpintería de Ribera e, da parte social, por UGT, CIG e CC.OO., o día 13-7-1998, de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto
2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial, e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 10 de febreiro de 2000.
Mª Reyes Carabel Pedreira
Delegada provincial da Coruña
Na Coruña, sendo as dezaoito horas do día 13 de xullo de 1998, nos locais da Asociación de Empresarios de Carpintería de Ribera, sitos na praza de Mina, nº 1 , 3º esquerda, da Coruña.
Están presentes as dúas representacións das partes empresarial e social da comisión negociadora do convenio colectivo provincial de carpintería de ribeira da provincia da Coruña.
O motivo é darlles cumprimento ó artigo 4º do convenio colectivo provincial e á disposición adicional primeira do convenio colectivo estatal no referente á revisión salarial para o ano 1998.
Acordan.
Incrementar tódolos conceptos económicos, agás o de antigüidade, nun 1,8% ó ser este o IPC oficial dos últimos doce meses.
Este incremento terá carácter retroactivo desde o 1 de abril de 1998.
Nestes termos queda aprobado por unanimidade o incremento do convenio colectivo referido ó sector de carpintería de ribeira da provincia da Coruña, que presentará calquera das partes coa sinatura dos compoñentes desta comisión, para a súa entrega e posterior rexistro na delegación provincial da Consellería de Xustiza, Interior e Relacións Laborais.
Pola Asociación Empresarial de Carpintería de Ribera:
Domingo Lago Martínez.
Eugenio Manuel Romero Senande.
Gerardo Triñanes Fernández.
Pola parte social:
Jesús María Calvo Romero (UGT).
Indalecio López Rodríguez (CIG).
Santiago Huertas Pozurama (CC.OO.).
Táboas salariais
(Período 1-4-1998-31-3-1999)
MesDía
Encargado103.3933.399
Oficial de primeira 99.3763.267
Oficial de segunda 97.2443.197
Axudante 90.8072.985
Peón 89.0402.927
Complemento de transporte14.869
Conceptos económicos de antigüidade (xa integrados no salario base).
Encargado1.180
Oficial de primeira1.134
Oficial de segunda1.112
Axudante1.043
Peón1.001
Remuneración en cómputo anual.
Encargado1.627.774
Oficial de primeira1.569.692
Oficial de segunda1.539.844
Axudante1.449.726
Peón1.424.988