A Dirección Xerencia do Hospital Comarcal Valdeorras do Barco de Valdeorras, en virtude das atribucións que lle foron delegadas conforme o establecido na letra i) do artigo 7 da Orde do 21 de abril de 1998 (DOG nº 88, do 11 de maio), convoca expediente de contratación, polo procedemento aberto, mediante concurso público e tramitación urxente, da contratación do servicio de organización do arquivo do Hospital Comarcal Valdeorras.

Obxecto e orzamento.

A contratación do servicio de organización do arquivo do Hospital Comarcal Valdeorras, adquisición do material necesario para arquiva-la documentación clínica no novo arquivo, e traslado da documentación clínica das instalacións actuais ás novas de Hospital Comarcal Valdeorras por un orzamento máximo de 7.000.000 de ptas., IVE incluído, 42.070,85 euros, IVE incluído.

Prazo de execución.

A execución realizarase nun máximo de tres meses, contados desde o inicio da prestación.

Documentos de interese para os licitadores.

O prego de cláusulas administrativas particulares e demais documentación complementaria poderán ser solicitados no Servicio de Subministracións do Hospital Comarcal Valdeorras, rúa Conde Fenosa nº 50 do Barco de Valdeorras (código postal 32300). Teléfono: 988 33 90 05.

Fianzas.

Deberá consignarse unha fianza provisional do 2% do orzamento de licitación , por un importe de cento corenta mil pesetas (140.000 ptas. 841,42 euros), e unha fianza definitiva do 4% do orzamento. As ditas fianzas constituiranse segundo o disposto nos artigos 36 e 37 da Lei 13/1995, do 18 de maio, de contratos das administracións públicas (en adiante, LCAP).

Solvencia económica e financeira.

Xustificarase por algún dos medios previstos no artigo 16 da Lei 13/1995, do 18 de maio (BOE do 19).

Solvencia técnica.

Xustificarase por algún medios previstos no artigo 19 da Lei 13/1995, do 18 de maio (BOE do 19).

Clasificación.

Non se precisa.

Criterios de adxudicación.

Prezo: ata 50 puntos.

Mellora na organización: ata 40 puntos.

Tempo de execución: ata 10 puntos.

Admisión de variantes.

Os licitadores poderán introducir nas súas proposicións varias alternativas, que co mesmo ou distinto prezo, pero sempre igual ou inferior ó orzamento de licitación, incorporasen, para a súa presentación, solucións adicionais as definidas nas prescricións técnicas, as cales se consideran como mínimas e imprescindibles.

Presentación de proposicións.

As proposicións deberanse presentar en man, en sobres pechados e lacrados, asinados polo licitador ou persoa que o represente, no Servicio de Subministracións do Hospital Comarcal Valdeorras, antes das 14 horas do décimo terceiro día natural contado a partir do seguinte ó da publicación deste anuncio no DOG. Tamén poderán presentarse por correo, dirixidas ó órgano de contratación, debendo xustifica-lo licitador a data de imposición do envío na oficina de correos e anunciarlle ó órgano de contratación a remisión da oferta mediante télex ou telegrama no mesmo día.

Apertura de proposicións.

A apertura das proposicións admitidas será realizada pola mesa de contratación, reunida en acto público no salón de actos do Hospital Comarcal Valdeorras ás 11 horas do día seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura de proposición terá lugar o día hábil seguinte.

Documentación que deberan achega-los licitadores.

Os documentos que figuran no prego de cláusulas administrativas particulares.

Anuncios.

Os anuncios deste concurso público serán por conta dos adxudicatarios do contrato.

O Barco de Valdeorras, 24 de febreiro de 2000.

Ramón Ares Rico

Director xerente do Hospital Comarcal Valdeorras