Os artigos 16, 17 e 18 da Lei 15/1991, do 28 de decembro, de presupostos xerais da Comunidade Autónoma galega para o ano 1992, ó amparo do disposto no artigo 20 da Lei 4/1988, da función pública de Galicia, crearon as seguintes escalas de funcionarios dentro dos corpos e grupos que a continuación se indican:
-Corpo superior da Administración da Xunta. Grupo A: escala de sistemas e tecnoloxía da información.
-Corpo de xestión da Administración da Xunta. Grupo B: escala de xestión de sistemas de información.
-Corpo administrativo da Xunta de Galicia. Grupo C: escala técnica auxiliar de informática.
De conformidade co establecido na disposición adicional sétima da Lei 15/1991, polo Decreto 290/1995, do 3 de novembro, e a Orde do 30 de setembro de 1996 (DOG nº 196, do 7 de outubro), regulouse o procedemento de integración nas citadas escalas, establecendo nos seus artigos 2 e 4 que a integración se levará a efecto trala superación dun curso de adaptación que se establecerá por orde da Consellería da Presidencia e Administración Pública.
Pola súa parte, o artigo 3 da Lei 4/1987, do 27 de maio, de creación da Escola Galega de Administración Pública na súa redacción dada pola Lei 10/1989, do 10 de xullo, atribúe a esta a competencia para organizar e impartir cursos selectivos de formación e cursos complementarios de formación de carácter non selectivo subseguintes ás probas selectivas para o acceso á condición de funcionarios ó servicio da Administración da Comunidade Autónoma.
Con data do 23 de febreiro de 2000, a Consellería da Presidencia e Administración Pública e a Escola Galega de Administración Pública asinaron un convenio de colaboración para o desenvolvemento e cofinanciamento dos cursos de integración nas escalas de informática.
En consecuencia, a Consellería da Presidencia e Administración Pública
DISPÓN:
Artigo 1º
O persoal ó que alude o Decreto 290/1995, que solicitase e cumprise os requisitos para a integración provisional nas escalas de informática, poderá integrarse definitivamente nelas de acordo co procedemento que a continuación se describe.
Deberán superar un curso de adaptación, de acordo co disposto no artigo 2.4º do Decreto 290/1995, coas materias que se especifican no anexo I.
Artigo 2º
Convócanse os funcionarios relacionados no anexo II desta á realización dos referidos cursos que terán comezo o próximo día 27 de marzo, das 16.30 ás 20.30 horas e coa duración que se expresa:
-Grupo A: escala de sistemas e tecnoloxía da información (84 horas lectivas).
-Grupo B: escala de xestión de sistemas de información (64 horas lectivas).
-Grupo C: escala técnica auxiliar de informática (44 horas lectivas).
Na Escola Galega de Administración Pública, polígono das Fontiñas, Santiago de Compostela.
Artigo 3º
É obrigatoria a asistencia e puntualidade a tódalas actividades do curso. A ausencia debidamente xustificada deberá ser autorizada polo responsable do curso.
A falta de asistencia inxustificada ó 10% ou máis das horas lectivas do curso determinará a cualificación de non apto. En calquera caso, será requisito indispensable para a superación do curso a asistencia, alomenos, ó 80% das horas lectivas asociadas para cada grupo.
Artigo 4º
Os cursos terán por finalidade servir de instrumento para acredita-la preparación e capacidade técnica dos funcionarios no cumprimento das tarefas propias da escala de informática correspondente.
Para a superación do curso deberase acredita-lo coñecemento das materias específicas mediante a realización dunha proba final.
O persoal que non obtivese a cualificación de apto non poderá integrarse definitivamente na escala informática correspondente, quedando aberta a súa participación á concorrencia de novas convocatorias do curso de integración que puidesen realizarse.
Ponderado o grao de asistencia e a cualificación obtida, o director xeral de Organización e Sistemas Informáticos e o director da EGAP elevarán proposta conxunta dos funcionarios que se van integrar definitivamente nas escalas de informática á Dirección Xeral da Función Pública da Consellería da Presidencia e Administración Pública.
Disposición derradeira
Esta orde entrará en vigor o día da súa publicación no Diario Oficial de Galicia.
Santiago de Compostela, 9 de marzo de 2000.
Jaime Pita Varela
Conselleiro da Presidencia e Administración
Pública
ANEXO I
Común a tódolos grupos:
-Introducción á función informática na Xunta de Galicia.
-As tecnoloxías informáticas e o marco legal.
Módulo común: grupo A e grupo B.
* Enxeñería do software:
Conceptos de enxeñería do software.
Fundamentos do deseño do software.
Programación estructurada.
Programación orientada a obxectos.
Técnicas e estratexias de proba do software.
Documentación.
Mantemento.
* Redes:
Conceptos de redes de computadoras.
Funcionamento da rede Internet.
Servicios da rede Internet.
Xestión de servidores de correo e web.
Denvolvemento de páxinas web en HTML.
Javascript.
XML.
* Seguridade:
Conceptos xerais.
Seguridade física e lóxica.
Introducción á criptografía.
Criptografía de clave pública e privada.
Seguridade en redes NT.
Políticas de seguridade en sistemas multiusuario.
Encriptación en servicios web e correo electrónico.
* Bases de datos relacionais:
Evolución das bases de datos.
Modelo entidade-relación.
Modelo relacional.
Deseño e optimización de consultas.
Módulo específico: grupo A.
* Xestión de proxectos de desenvolvemento do software:
Conceptos de enxeñería do software.
Recursos de desenvolvemento dun proxecto software.
Planificación temporal e organizativa.
Análise de requirimentos.
Fases de deseño.
* Redes:
Protocolos de comunicación en redes de computadoras.
Conceptos de deseño e configuración de redes de computadoras.
Configuración de servidores de correo electrónico, web e FTP.
Rendemento.
* Seguridade:
Seguridade en sistemas operativos Windows e Unix.
Seguridade en redes de datos.
Seguridade en Internet.
* Bases de datos:
Deseño de consultas SQL.
Seguridade en base de datos.
Sistemas transaccionais.
Grupo C.
* Redes:
Conceptos de redes de computadoras.
Funcionamento da rede Internet.
Servicios da rede Internet.
Busca de información.
Desenvolvemento de páxinas web en HTML.
Instalación e configuración de protocolos para acceso a redes.
Instalación e configuración de clientes de correo.
Instalación e configuración de navegadores.
* Seguridade:
Conceptos xerais.
Xestión de usuarios en contornos de rede.
Compartición de recursos en redes locais.
Configuración das opcións de seguridade en programas de rede.
* Bases de datos relacionais:
Linguaxe de consulta SQL.
Sistemas de backup.
Realización de consultas.
Realización de informes.
ANEXO II
Grupo A
Bianchi Valcarce, María Carmen 35.919.413
Gómez Duaso, Juan Manuel 32.748.188
Juanatey Mayán, Rafael Isaac 33.253.457
Remuiñán Suárez, Jorge 32.778.651
Grupo B
Armada Rodríguez, Juan Isaías 76.409.278
Blasco García, Alfonso 32.435.325
Izquierdo García, Mª de los Desamparados 36.018.548
Mediavilla Cañibano, Jesús 7.770.215
Paseiro Pardal, Enrique 36.021.602
Ramos González, Fidel 33.198.601
Castro Cuervo, Ramón 76.341.257
Veiga Cando, Manuel 33.844.937
Grupo C
Albo García, Julián 34.253.289
Blanco Canosa, Jesús 76.340.527
Blanco Suárez, Laura Elviña 32.448.839
Delgado Garrido, Enrique Ramón 32.415.695
Docampo Regengo, Juan José 35.441.684
Domínguez Pardo, Germán 33.237.089
Durán García, Jaime Ramón 32.424.120
Fernández Dabouza, Manuel Mauro 34.941.118
Freijeiro Moure, María Teresa 35.293.283
Garaizabal Fontenla, Fco. Javier 32.560.101
Gómez Louzao, Juan Carlos 76.354.975
Gómez Ventosela, Ana María 34.968.266
González Díaz, María Teresa 21.419.641
González Seco, Concepción 32.647.009
Martín de Pozuelo Romay, María del Carmen 660.716
Mato Nieto, Jose Ramón 33.243.549
Ramos Rey, María José 32.391.971
Reboredo Vázquez, Ricardo Antonio 35.436.797
Rey Rouco, María Josefa 33.308.220
Suárez Romero, Amalia 32.420.848
Zas Varela, Jesús Javier 33.860.475
Baños Rioja, José Manuel 73.077.366
Pérez Dadín, Xoán Manuel 76.856.818
Casasnovas Calvo, Manuel 34.951.562
Nieves Becerra, Francisco Javier 33.271.644
Conde Iglesias, Marina 33.310.205