De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselles ós denunciados cos datos persoais e último enderezo coñecido que se sinala a continuación, as iniciacións dos correspondentes expedientes sancionadores por infracción á Lei 4/1997, de caza en Galicia, do 25 de xuño (DOG do 11 de xullo).
Noméase instructora do procedemento a Paloma Quiroga López e secretaria a Mª Concepción Ameijide Rodríguez-Moldes, funcionarias da Xunta de Galicia. A resolución será acordada polo director xeral da Consellería de Medio Ambiente (Decreto 482/1997, do 30 de decembro, DOG do 8 de xaneiro de 1998, polo que se establece a estructura orgánica da Consellería de Medio Ambiente).
O denunciado disporá dun prazo de quince (15) días hábiles, contados a partir do seguinte ó da publicación desta resolución para que poida examina-lo expediente nesta delegación provincial, sita na Ronda de la Muralla, 70, e presenta-las alegacións e documentos que considere convenientes na súa defensa. Así como para a recusación das persoas designadas como instructora e secretaria en calquera momento da tramitación do procedemento.
O pagamento voluntario porá fin ó expediente. Para efectualo deberá emprega-los impresos normalizados que lle serán facilitados nesta delegación provincial.
Lugo, 18 de xaneiro de 2000.
Luis González Vázquez
Delegado provincial de Lugo
ANEXO
Expediente: C-121/1999.
Denunciado: Elisardo García Silva.
DNI: 33.821.535-N.
Enderezo: r/ Vilar de Donas-Palas de Rei-Lugo.
Feitos imputados: cazar en lugares prohibidos, ó facelo nunha superficie afectada por un incendio (Monte de Sambre), dunha extensión superior a unha hectárea, que ardeu hai menos de dous anos da apertura da tempada da caza. Feitos constatados o día 14-11-99, ás 12.45 h no couto LU-10.105, LU-10.095 e LU-10.072. Monterroso.
Preceptos infrinxidos: 58.1º da Lei 4/1997.
Cualificación infracción: grave.
Sanción: 100.001 ptas.
Retirada da licencia de caza e inhabilitación para obtela dun ano e un día desde que a resolución sexa firme.
