Declarados de urxente ocupación os bens e dereitos afectados pola instalación das liñas eléctricas aéreas a 20 kV, CC.TT. e RR.BB.TT., nos lugares de Casal e Piñeiro, no termo municipal de Ortigueira (expediente 362/1998), por resolución desta delegación provincial do 7 de xullo de 1999, a favor da entidade beneficiaria Unión Eléctrica-Fenosa, S.A. con domicilio na Avda. de Arteixo, nº 171, 15007 da Coruña.

Esta delegación acorda sinala-lo día 16 de marzo de 2000 para o levantamento das actas previas á ocupación, de conformidade cos artigos 52 da Lei de expropiación forzosa do 16 de decembro de 1954 e 56 do seu Regulamento do 26 de abril de 1957,

nas que se describirán os bens e dereitos expropiables e de imposición de servidume de paso de enerxía eléctrica, contidos na relación de predios que se expón xunto con esta resolución no taboleiro de edictos do Concello de Ortigueira, deducida da que se someteu a información pública no DOG, BOP e no xornal La Voz de Galicia de datas 9-12-1998, 30-11-1998 e 20-11-1998, respectivamente, acto ó que deberán concorrer-los propietarios propostos dos predios afectados, ós que se lles practicará notificación individual sinalándoselle-los horarios de toma de datos sobre o terreo e do levantamento efectivo das actas nas oficinas da referida casa do concello.

Esta publicación realizarase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ó Ministerio Físcal as dilixencias que se produzan destes, de conformidade con artigo 5 da citada Lei de expropiación forzosa.

A Coruña, 2 de febreiro de 2000.

Jesús Espada Martínez

Delegado provincial da Coruña