De acordo co disposto no artigo 15.3º do Decreto 130/1997, do 14 de maio, polo que se aproba o Regulamento de ordenación da pesca fluvial e dos ecosistemas acuáticos continentais, sométese a información pública durante un prazo de 15 días, durante os cales poderán formula-las alegacións que estimen oportunas, a proposta do Servicio Provincial de Medio Ambiente Natural de creación dun couto intensivo de pesca sen morte en Pontillón do Castro na parroquia de Berducido no concello de Pontevedra.
O expediente está á disposición de todos aqueles que puideran ter interese nel na Delegación Provincial da Consellería de Medio Ambiente, na rúa Benito Corbal, 47-5ª planta.
Pontevedra, 7 de febreiro de 2000.
José Luis Díez Yáñez
Delegado provincial de Pontevedra