De acordo co disposto na Lei 34/1998, do 7 de outubro, do sector de hidrocarburos, Regulamento xeral do servicio público de gases combustibles, aprobado por Decreto 2913/1973, do 26 de outubro, artigos 17 da Lei de expropiación forzosa e 56 do seu regulamento, Lei 1/1997, do 24 de marzo, do solo de Galicia e demais normativa específica de aplicación, e para os efectos previstos no acordo do Consello da Xunta de Galicia do 6 de maio de 1993, polo que se designa a Consellería de Industria e Comercio como órgano competente por razón da materia para a tramitación da unidade de expediente e resolución única do procedemento, sométese a información pública o proxecto denominado punto de entrega a armario de regulación (APA/MPB) e rede de subministración a Polusa e Aqualife, declarado de utilidade pública polo artigo 103 da citada Lei 34/1998.
Peticionario: Gas Galicia SDG, S.A., con enderezo en Área Central, r/ Lisboa s/n, local 31-HIJ, polígono das Fontiñas, 15703 Santiago de Compostela, titular da concesión administrativa outorgada por orde do conselleiro de Industria e Comercio, do 14 de outubro de 1993, para a prestación do servicio público de subministración de gas natural en distintos termos municipais da provincia de Lugo, entre os que se atopan o de Lugo, concesión que deveu en autorización conforme establece a disposición transitoria décimo quinta da Lei 34/1998, do 7 de outubro, do sector de hidrocarburos.
Obxecto da petición: autorización administrativa e aprobación do proxecto de instalacións denominado punto de entrega a armario de regulación (APA/MPB) e rede de subministración a Polusa e Aqualife.
A autorización de instalacións que se solicita comportará, de acordo co que establecen os artigos 103
e 105 da Lei 34/1998, do 7 de outubro, os beneficios da declaración de utilidade pública e a necesidade de ocupación urxente para o efecto de expropiación forzosa dos bens e dereitos afectados necesarios para o establecemento destas instalacións e da imposición e o exercicio da servidume de paso e doutras limitacións de dominio.
Características das instalacións: as ditas características afectan o termo municipal de Lugo, e son as que se expoñen a continuación:
O encanamento de entrada ten a súa orixe no gasoducto de 8" de diámetro que discorre por un camiño fronte a Aqualife e despois pola antiga estrada a Santiago de Compostela. A conducción cruza o camiño e chega ó armario de regulación que se sitúa no xardín da entrada de Aqualife.
A conducción continúa soterrada polo camiño, bordeando o cercado de Aqualife para, ó chegar fronte ó edificio, deixa-la válvula de acometida.
A conducción cruza o camiño e continúa pola antiga estrada a Santiago de Compostela, inicialmente en paralelismo coa conducción de gas de 8'' de diámetro e posteriormente próximo á beirarrúa ata chegar ó camiño das Regas, para despois abandonalo e continuar por outro entre os chalés e unha nave industrial ata chegar ó Hospital Polusa.
A lonxitude da conducción neste concello é de 963 m.
Termos municipais afectados: Lugo.
Orzamento: o orzamento ascende a sete millóns oitocentas cincuenta mil oitocentas setenta pesetas (7.850.870 ptas.).
Afección a predios particulares:
A afección a predios particulares derivada da construcción do gasoducto concrétase na seguinte forma:
Un: expropiación forzosa dos terreos sobre os que se construirán as instalacións fixas en superficie.
Dous: para os encanamentos:
a) Imposición de servidume permanente de paso de gas ó longo do trazado da conducción, cun largo de dous (2) metros, un (1) a cada lado do eixe, por onde discorrerá soterrado o encanamento ou encanamentos que se requiran para a conducción do gas. Esta servidume que se establece estará suxeita ás seguintes limitacións ó dominio:
1. Prohibición de efectuar traballos de arada ou similares a unha profundidade superior a cincuenta (50) centímetros, así coma de plantar árbores ou arbustos a unha distancia inferior a dous (2) metros contados desde o eixe do encanamento.
2. Prohibición de realizar calquera tipo de obras, construcción, edificación ou efectuar algún acto que puidera danar ou perturba-lo bo funcionamento das instalacións, a unha distancia inferior a cinco (5) metros do eixe do trazado, a un e outro lado del.
Esta distancia poderá reducirse sempre que se solicite expresamente e se cumpran as condicións que, en cada caso, fixe o órgano competente da Administración.
3. Libre acceso do persoal e equipos necesarios para poder manter, reparar ou renova-las instalacións, con pagamento, se é o caso, dos danos que se ocasionen.
4. Posibilidade de instala-los fitos de sinalización ou delimitación e os tubos de ventilación, así coma de realiza-las obras superficiais ou subterráneas que sexan necesarias para a execución ou funcionamento das instalacións.
b) Ocupación temporal dos terreos necesarios para a execución das obras, da franxa que se reflicte para cada predio nos planos parcelarios de expropiación. Nesta zona farase desaparecer, temporalmente, todo obstáculo e realizaranse as obras necesarias para o tendido e instalación do encanamento e elementos anexos, executando os traballos ou operacións precisas para os ditos fins.
Tres: para o paso de liñas, equipos de telecomunicación e elementos dispersores de protección catódica:
a) Imposición de servidume permanente de paso nunha franxa de terreo dun (1) metro de largo, por onde discorrerán soterrados os cables de conexión. Para os leitos dispersores da protección catódica, a franxa de terreo onde se establece a imposición de servidume permanente de paso terá como largo o da instalación máis un (1) metro a cada lado. Estas franxas estarán suxeitas ás seguintes limitacións:
1. Prohibición de efectuar traballos de arada ou similares a unha profundidade superior a cincuenta (50) centímetros, a plantar árbores ou arbustos e realizar calquera tipo de obras, construcción ou edificación a unha distancia inferior a 1,5 metros, a cada lado do cable de conexión ou do límite da instalación soterrada dos leitos dispersores, podendo exerce-lo dereito a cortar ou arrinca-las árbores ou arbustos que houbera a distancia inferior á indicada.
2. Libre acceso do persoal e elementos necesarios para poder vixiar, manter, reparar ou renova-las instalacións, con pagamento, se é o caso, dos danos que se ocasionen.
b) Ocupación temporal, como necesidade derivada da execución das obras, da zona que se reflicta para cada predio nos planos parcelarios de expropiación, e na que se poderá facer desaparecer todo obstáculo, así como realiza-las obras necesarias para o tendido e montaxe das instalacións e elementos anexos, executando as obras ou operacións precisas para os ditos fins.
O proxecto inclúe planos parcelarios e a relación concreta e individualizada de bens e dereitos afectados segundo se reflicte no anexo.
O que se fai público para coñecemento xeral e especialmente dos propietarios de terreos e demais
titulares afectados polo dito proxecto. A dita relación insírese ó remate deste anuncio, para que poidan examinala na Dirección Xeral de Industria da Consellería de Industria e Comercio, edificio administrativo San Caetano, s/n, Santiago de Compostela, e na Delegación Provincial de Lugo, Ronda da Muralla 70, e presentar por triplicado nos ditos centros
as alegacións que consideren oportunas no prazo de vinte días a partir do seguinte á publicación deste anuncio.
Santiago de Compostela, 3 de febreiro de 2000.
Ramón Ordás Badía
Director xeral de Industria
ANEXO
Relación concreta e individualizada de bens e dereitos afectados.
Proxecto: punto de entrega a AR. e rede de subministración a Polusa e Aqualife
Termo municipal de Lugo:
Predio nº Titular e enderezo Afección Catastro Natureza
L.M. O.T. m Políg. Parcela
Pza. Maior, s/n, 27001 Lugo
Estr. vella de Santiago de Compostela, 310, 27294 Lugo
Ronda da Muralla, 132, 27071 Lugo
Pza. Maior, s/n, 27001 Lugo
Pza Maior, s/n, 27001 Lugo
San Lázaro da Ponte, s/n, 27297 Lugo
LU-LU-1 Concello de Lugo
52 301 Pista asfaltada
LU-LU-2 Aqualife
18 54 Xardín
LU-LU-3 Ministerio de Fomento
280 1.802 Estrada
LU-LU-4 Concello de Lugo
160 1.198 Pista asfaltada
LU-LU-5 Concello de Lugo
310 1.520 Camiño
LU-LU-6 Polusa
165 922 Camiño, aparcamento
Relación concreta e individualizada de bens e dereitos afectados instalacións auxiliares.
Proxecto: punto de entrega a AR. e rede de subministración a Polusa e Aqualife
Termo municipal de Lugo:
Predio nº Titular e enderezo Afección Catastro Natureza
L.M. O.T. m Políg. Parcela
Pza. Maior, s/n, 27001 Lugo
Estr. vella de Santiago de Compostela, 310, 27294 Lugo
San Lázaro da Ponte, s/n, 27297 Lugo
LU-LU-1-PO Concello de Lugo
0 0 8 Pista asfaltada
LU-LU-2-PO Aqualife
0 0 4 Xardín
LU-LU-6-PO Polusa
0 0 4 Aparcamento, camiño
Abreviaturas empregadas: PO=posición.