Anúnciase concurso, pero será aprazada a licitación no caso de que se presenten reclamacións contra os pregos de condicións.
Obxecto: contrato de consultoría e asistencia técnica para a elaboración do Plan Xeral de Ordenación Municipal, adaptando o actualmente vixente á Lei do solo de Galicia e demais lexislación urbanística.
Tramitación, procedemento e forma de adxudicación: tramitación urxente, procedemento aberto e forma de concurso.
Tipo de licitación: seis millóns de pesetas (6.000.000 de pesetas), IVE incluído.
Prazo de execución: doce meses de traballo efectivo segundo o calendario establecido no prego de condicións.
Dependencia onde estarán de manifesto os expedientes: secretaría xeral.
Clasificación do contratista: non se esixe.
Lugar e prazo de presentación de proposicións: no rexistro xeral do concello, no prazo de trece días naturais, contados a partir do día da última publicación do anuncio no DOG e no BOP, de nove a trece horas (luns a venres), de nove trinta a doce trinta (sábados).
Apertura de plicas: no salón de sesións do concello, ás doce horas do quinto día seguinte hábil ó día en que remate o prazo de presentación de proposicións (agás se é sábado, que será o luns seguinte).
Fianza provisional: cento vinte mil pesetas (120.000 ptas.).
Fianza definitiva: o 4% do orzamento de adxudicación do contrato.
Prego de cláusulas administrativas que rexe este contrato: o prego de cláusulas administrativas foi aprobado o vintedous de febreiro de dous mil, que se publica conxuntamente con este anuncio no BOP.
Coirós, 23 de febreiro de 2000.
Francisco Quintela Requeijo
Alcalde