Para adapta-la normativa ás novas tecnoloxías da información acórdase modifica-lo Decreto 71/1999, do 18 de marzo (DOG nº 63, do 5 de abril de 1999), para incluí-lo novo soporte de comunicación a través de internet.
Por todo o exposto, por proposta do conselleiro da Presidencia e Administración Pública e logo da deliberación do Consello da Xunta de Galicia na súa reunión do día dezaoito de febreiro de dous mil,
DISPOÑO:
Artigo único.-Modifica-lo artigo 1º para engadirlle un segundo parágrafo co seguinte teor: «Tamén poden ser beneficiarias das devanditas axudas as empresas que transmitan a súa actividade informativa diaria a través de internet».
Disposicións derradeiras
Primeira.-Facúltase o conselleiro da Presidencia e Administración Pública para o desenvolvemento e a execución do presente decreto.
Segunda.-Este decreto entrará en vigor o día seguinte ó da súa publicación no Diario Oficial de Galicia.
Santiago de Compostela, dezaoito de febreiro de dous mil.
Manuel Fraga Iribarne
Presidente
Jaime Pita Varela
Conselleiro da Presidencia e Administración Pública