O Pleno do Concello de Vigo, en sesión do día 30 de decembro de 1999, acordou aprobar definitivamente o plan especial de mellora do núcleo 06.05, Monte da Falcoa, na parroquia de Castrelos, e documentación corrixida á vista das alegacións formuladas sobre relación de propietarios e plano parcelario con data de abril de 1999, redactado polos arquitectos Cesáreo Estévez García, Carlos Falagán Mota e Morrella Thais Felipe Flores.
O que se publica para o xeral coñecemento e de conformidade co artigo 48.2º da Lei 1/1997, do 24 de marzo, do solo de Galicia, significando que a normativa e ordenanzas de aplicación serán publicadas no BOP.
Contra o devandito acordo, que pon fin á vía administrativa, poderá interpoñerse recurso contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte ó da publicación deste anuncio.
De conformidade co artigo 59.4º da Lei 30/1992, do 26 de novembro, de réxime xurídico das admistracións públicas e do procedemento administrativo común, por medio do presente anuncio, e publicación no taboleiro de edictos do concello, notifícaselle-lo acordo que nel se contén a tódolos propietarios que sexan descoñecidos, se ignore o lugar da notificación ou ben, intentada esta, non se puidese practicar.
Vigo, 26 de xaneiro de 2000.
Lois Pérez Castrillo
Alcalde presidente da Xerencia Municipal
de Urbanismo