O Programa Sócrates foi adoptado o 14 de marzo de 1995 polo Consello de Ministros da Unión Europea como un programa de acción para a cooperación entre os estados no campo da educación.
No marco deste programa, e no capítulo 3, encóntrase o Programa Lingua, que ten como principais obxectivos promove-lo coñecemento das linguas dos diversos estados membros e contribuír á mellora cualitativa do ensino e aprendizaxe de linguas da Unión Europea.
Das cinco accións que comprende o Programa Lingua, a Acción B (anteriormente Acción I) recolle medidas destinadas a promove-la formación continua de profesores e formadores de linguas estranxeiras.
Para a xestión e concesión de axudas e subvencións públicas financiadas en todo ou en parte con fondos da Unión Europea, esta convocatoria está regulada polos artigos 81 e 82 da Lei xeral orzamentaria, na súa nova redacción, dada pola Lei 31/1990, do 27 de decembro e o Real decreto 2225/1993, do 17 de decembro (BOE do 30).
Por todo iso,
DISPOÑO:
Primeiro.-Obxecto da convocatoria.
1. Convócanse bolsas (denominadas de formación continua), de acordo coa Acción B do Programa Lingua, destinadas a mestres, profesores de secundaria, profesores de escolas oficiais de idiomas e formadores de linguas estranxeiras, co fin de dárlle-la oportunidade de participar en actividades de for
mación continua noutros estados membros da Unión Europea durante o verán de 2000.
2. Para o desenvolvemento da citada Acción B, destinaranse nesta Comunidade Autónoma fondos procedentes do Programa Sócrates
3. A actividade de formación terá como finalidade principal o perfeccionamento da actividade docente e formativa do solicitante.
4. Terán prioridade:
a) Os solicitantes dos que a súa actividade de formación cumpra unha das seguintes condicións:
-Contribúa á diversificación da oferta de linguas estranxeiras, así como ó ensino das linguas menos utilizadas e ensinadas do Programa Lingua. Para estes efectos, consideraranse como tales tódalas linguas citadas no punto 6 deste punto primeiro, excluíndo o inglés e o francés.
-Estea directamente relacionada co uso de novas tecnoloxías ou da educación a distancia.
-Vaia dirixida ó ensino de persoas desfavorecidas e que teñan necesidade dun apoio especial para a aprendizaxe das linguas estranxeiras.
b) Os solicitantes que participasen anteriormente nun proxecto educativo europeo (Comenius 1), nun proxecto educativo conxunto (Lingua E), nun proxecto europeo «Leonardo da Vinci» e nas estadías e intercambios da Orde do 14 de xaneiro de 1999 (DOG do 2 de marzo) e aqueloutros que impartan a lingua estranxeira nos centros que participan no plan de potenciación de idiomas.
c) O profesorado que non desfrutase dunha axuda do programa Lingua B (antes Acción I) previamente.
5. As axudas, de ata un máximo de 1.500 euros por beneficiario, asinaranse para contribuír ós gastos do ensino, viaxe e estadía ocasionados pola asistencia á actividade de formación. A contía das axudas será fixada individualmente, tendo en conta a actividade de formación, a duración, os gastos de inscrición e ensino, así como o seu lugar de celebración.
6. As linguas que abrangue o programa para efectos de solicitude destas axudas son: alemán, danés, finlandés, francés, grego moderno, islandés, neerlandés, inglés, irlandés (gaélico), italiano, luxemburgués, noruegués, portugués e sueco, ensinadas como linguas estranxeiras.
Segundo.-Requisitos.
1. Poderán solicitar estas axudas:
1.1. Os mestres, profesores de secundaria e de escolas oficiais de idiomas de centros docentes públicos ou privados de acordo coa normativa vixente que teñan como actividade regular o ensino dunha ou máis linguas do Programa Lingua citadas no punto primeiro.6. Enténdese por actividade regular o ensino de linguas estranxeiras cun mínimo de seis horas semanais en ensino secundario e 1.30 horas semanais en ensino primario. Este profesorado deberá ter, como mínimo, tres anos de experiencia docente en linguas estranxeiras.
1.2. Os mestres, profesores de secundaria e profesores de escolas oficiais de idiomas que, estando en situación de excedencia, vaian incorporarse ó seu posto de traballo no curso 2000/2001 como pro
fesores de linguas estranxeiras. Esta circunstancia deberá ser acreditada convenientemente.
1.3. Os mestres, profesores de secundaria e profesores de escolas oficiais de idiomas que estean impartindo un nivel, área ou materia na lingua estranxeira para a que solicita a actividade de formación, sempre que esta non sexa a súa lingua materna.
1.4. Os inspectores técnicos de educación que teñan relación co ensino de linguas estranxeiras e os asesores técnico-pedagóxicos de linguas estranxeiras nos centros de formación e recursos e aqueloutras persoas da administración educativa que desenvolven o seu traballo nos ámbitos relacionados coa potenciación da aprendizaxe de linguas estranxeiras.
2. Os solicitantes deberán cumprir obrigatoriamente as seguintes condicións:
a) Non teren desfrutado dunha axuda da Acción Lingua B (anteriormente Acción I) nas dúas convocatorias anteriores.
b) Non teren desfrutado dun reintegro individual de gastos para asistencia a actividades de formación do profesorado durante o ano 1999 nin desfrutalo durante o ano 2000.
c) Non teren desfrutado dunha axuda nas actividades formativas para o curso 1999-2000 destinadas ó profesorado de inglés e francés convocadas na Orde do 16 de abril de 1999 (DOG do 19 de maio de 1999).
3. A actividade de formación deberá ter unha duración igual ou superior a dúas semanas e corenta horas lectivas.
4. Dado que a participación nas axudas para a formación continua de profesores e formadores, de acordo coa Acción B do programa Lingua non dá lugar á substitución destes, a actividade deberá realizarse nos meses de período vacacional (xullo e agosto).
Terceiro.-Solicitudes.
1. Os solicitantes que reúnan as ditas condicións formularán a súa solicitude por medio de instancia, segundo modelo que figura no anexo I desta orde, á que se xuntará a documentación que figura a continuación:
1.1. Relación numerada, datada e asinada, da documentación presentada, seguindo a orde que aparece no baremo establecido no anexo II desta orde.
1.2. Formulario europeo por triplicado.
1.3. Para o profesorado destinado en centros docentes públicos:
a) Certificación de servicios específica para a Acción B do Programa Lingua, certificada polo secretario/a do centro co visto e prace da dirección segundo o modelo que figura no anexo III.
b) Certificado expedido pola dirección do centro de destino no que se faga consta-lo idioma que impartiu o solicitante durante os dous últimos cursos (1997/1998 e 1998/1999), ou, no seu defecto, dos dous cursos nos que impartise o idioma, así como o idioma que imparte durante o curso 1999/2000, especificando niveis e número de horas impartidas
á semana. No caso de que durante os cursos anteriores os centros de destino fosen distintos ó actual, son necesarios os respectivos certificados da dirección dos ditos centros, facendo consta-lo especificado neste punto.
1.4. Para o profesorado de centros docentes privados, certificado dos servicios prestados, expedido pola dirección do actual centro de traballo e co visado da inspección técnica correspondente, no que se faga constar nivel educativo, área impartida e número de horas á semana. En caso de que en anos anteriores o concursante prestase servicios en centros distintos ó actual, deberá xunta-los certificados respectivos que acrediten o anteriormente expresado.
2. Non serán tidos en conta nin, por conseguinte, valorados os méritos alegados e non xustificados debidamente, nin os que se xustifiquen fóra do prazo ó que se refire o número quinto da presente convocatoria.
Cuarto.-Presentación de solicitudes.
1. As solicitudes do profesorado destinado no ámbito territorial desta Comunidade Autónoma dirixiranse á Dirección Xeral de Ordenación Educativa e Formación Profesional. Consellería de Educación e Ordenación Universitaria, San Lázaro, número 107, 15771 Santiago de Compostela presentándose a través do rexistro xeral.
2. Tamén poderán utilizarse para a presentación de solicitudes calquera das dependencias previstas no artigo 38.4º da Lei 30/1992, de réxime xurídico das administracións públicas e do procedemento administrativo común. No caso de que os solicitantes optasen por presenta-la súa solicitude nunha oficina de correos, farano en sobre aberto para que a instancia sexa datada e selada polo funcionario de correos antes de ser certificada.
Quinto.-Prazo de presentación.
As solicitudes individuais e documentos a que se fai referencia no punto terceiro.1 desta orde deberán ser presentados ata o día 6 de marzo de 2000 inclusive.
Sexto.-Selección.
1. A selección do profesorado realizarase, logo da valoración dos méritos dos aspirantes de acordo cos criterios que figuran nos puntos primeiro, segundo e terceiro e o baremo que figura no anexo II desta convocatoria, por unha comisión integrada polos seguintes membros:
Presidente: o subdirector xeral de Ensinanzas Profesionais e Formación de Adultos, ou persoa na que delegue.
Vocais: un inspector; o xefe do Servicio de Formación do Profesorado; o xefe de Servicio de Ensinanzas Profesionais.
Secretario: unha persoa destinada na Subdirección Xeral.
2. A comisión seleccionadora poderá dispoñe-la constitución de subcomisións técnicas especializadas só para o efecto de colaborar na valoración dos méritos dos candidatos.
Sétimo.-Resolución da convocatoria.
1. Dentro dos tres meses seguintes á finalización do prazo de recepción de solicitudes, a Consellería de Educación e Ordenación Universitaria publicará na Dirección Xeral de Ordenación Educativa e Formación Profesional e nas delegacións provinciais unha relación provisional, na que se fará constar:
a) Relación de solicitudes seleccionadas, puntuacións obtidas, e cantidades en euros asignada a cada unha delas.
b) Relación de solicitudes suplentes por orde de puntuación e puntuacións obtidas en cada caso.
c) Relación de solicitudes excluídas, con especificación da causa.
2. Os candidatos poderán presentar reclamacións ante a Dirección Xeral de Ordenación Educativa e Formación Profesional durante o prazo de dez días hábiles, contados a partir da data na que se fixeron públicas as indicadas relacións.
3. Transcorrido o dito prazo, e unha vez estudiadas e, se é o caso, atendidas as ditas reclamacións, a Consellería de Educación e Ordenación Universitaria publicará no Diario Oficial de Galicia a resolución definitiva de concesión de axudas, realizada pola Dirección Xeral de Ordenación Educativa e Formación Profesional; na que se incluirá unha relación alfabética dos beneficiarios, expresando a contía da axuda concedida en cada caso, así como unha relación nominativa das solicitudes suplentes por orde de puntuación e solicitudes excluídas con especificación da causa.
Oitavo.-Aceptacións e renuncias.
1. Nos dez días naturais seguintes á súa comunicación, o interesado deberá remitir á Dirección Xeral de Ordenación Educativa e Formación Profesional a súa aceptación ou renuncia, facendo constar calquera cambio, se o houbese, nos datos do participante ou na actividade solicitada.
2. No caso de que non se reciba notificación por parte do interesado no prazo sinalado, entenderase que renuncia á axuda.
Noveno.-Retirada de documentos.
Unha vez publicadas as resolucións definitivas correspondentes e finalizados os prazos para a interposición de recursos, os documentos presentados polos concursantes poderán retirarse da Dirección Xeral de Ordenación Educativa e Formación Profesional ata o día 30 de outubro de 2000, directamente polos interesados ou por persoa autorizada. Tamén poderán solicita-la súa devolución por correo, remitindo previamente á dita dirección xeral selos polo valor do custo da franquía. Transcorrido este prazo, perderase todo dereito sobre ela.
Décimo.-Xustificación e percepción da axuda.
1. A Axencia Sócrates enviará a cada un dos seleccionados o modelo de contrato elaborado pola Comisión Europea. Unha vez recibidos os fondos da Comisión Europea, a Axencia Sócrates iniciará a tramitación para efectuar-lo libramento ós interesados das cantidades correspondentes. A xustificación económica realizarase tal e como especifica o contrato.
2. Non obstante e segundo a normativa vixente, os beneficiarios deste tipo de axudas quedan obrigados a remitirlle á Dirección Xeral de Ordenación Educativa e Formación Profesional os seguinte documentación, dentro dos vinte días naturais seguintes á finalización da actividade:
a) Informe crítico sobre a actividade realizada, segundo cuestionario que se publicará na resolución definitiva mencionada.
b) Fotocopia compulsada do certificado de asistencia ó curso no que se especifiquen as datas de realización e o número de horas lectivas.
c) Declaración do interesado manifestando se é ou non beneficiario doutra axuda ou bolsa procedente de calquera Administración ou entes públicos nacionais ou internacionais, con especificación, se é o caso, da súa contía e finalidade.
3. Calquera alteración das condicións tidas en conta para a concesión de axudas e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución de concesión.
4. Os beneficiarios da axuda estarán obrigados a facilitar canta información lles sexa requirida polo organismo competente, quedando sometidos ás actuacións de control financeiro que corresponda e ás de comprobación que poidan efectua-la Consellería de Educación e Ordenación Universitaria e o Ministerio de Educación e Cultura.
5. A non xustificación da axuda percibida segundo o disposto nestas bases, implicará o reintegro das cantidades non xustificadas e a esixencia dos xuros de demora, sen prexuízo das responsabilidades administrativas nas que poida incorrer de acordo co establecido nos artigos 81 e 82 da Lei xeral orzamentaria, na súa nova redacción dada pola Lei 31/1990, do 27 de decembro, nos que se regula a xestión e concesión de axudas e subvencións públicas financiadas, en todo ou en parte, con fondos da Unión Europea.
Décimo primeiro.-Contra a resolución definitiva do director xeral de Ordenación Educativa e Formación Profesional, os interesados poderán interpoñer recurso de alzada perante o conselleiro de Educación e Ordenación Universitaria, no prazo dun mes, contado a partir do día seguinte ó da súa publicación no DOG, segundo o disposto nos artigos 114 e 115 da Lei 4/1999 (BOE do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común.
Disposicións derradeiras
Primeira.-Autorízase a Dirección Xeral de Ordenación Educativa e Formación Profesional a dictar cantas disposicións sexan precisas para o desenvolvemento correcto desta orde.
Segundo.-A presente resolución entrará en vigor o día seguinte ó da súa publicación no DOG.
Santiago de Compostela, 3 de febreiro de 2000.
Celso Currás Fernández
Conselleiro de Educación e Ordenación
Universitaria