A Sociedade de Imaxe e Promoción Turística de Galicia, S.A., anuncia a convocatoria de tres prazas de persoal laboral fixo para o Centro Superior de Hostalería de Galicia.
A.1. Posto: profesor de aloxamento. Área de recepción (Ref. ALR-1499).
1. Funcións principais: baixo a supervisión do responsable do departamento, participará na preparación das materias da área (incluíndo elaboración de material) así como na impartición de clases e avaliación de alumnos. Así mesmo, colaborará na organización e xestión do funcionamento da residencia do centro.
2. Prazas: 1 (xornada completa).
3. Requisitos:
-Titulación oficial ou específica na área.
-Experiencia profesional na área de 18 meses, dos que un mínimo de 6 serán como 2º xefe de recepción ou posto superior.
-Experiencia docente.
-Coñecementos de inglés ou francés.
4. Valorarase:
-Currículo.
-Coñecementos da área.
-Aptitude docente.
-Ofimática (Microsoft Office).
-Capacidade de integración en equipos de traballo.
5. Probas que se realizarán:
-Exame de coñecementos profesionais eliminatorio (ver temario anexo I).
-Impartición de clase.
-Planificación docente.
-Proba práctica de Microsoft Word 2000 e Microsoft Excel 2000.
-Proba oral e escrita de inglés e/ou francés.
-Cuestionario de personalidade.
-Entrevista persoal.
A.2. Posto: adxunto á dirección. Coordinador de Stages (Ref. STG-1599).
1. Funcións principais: baixo a dirección e supervisión da dirección do Centro Superior de Hostalería de Galicia, asumirá o deseño, desenvolvemento, coordinación e seguimento das prácticas en empresas dos alumnos, encargarase da xestión dos puntos de venda de restauración así como dos servicios xerais (almacén, mantemento...).
2. Prazas: 1 (xornada completa).
3. Requisitos:
-Formación en xestión hostaleira.
-Experiencia en postos de responsabilidade de empresas do sector hostaleiro ou docente de 18 meses, dos que un mínimo de 6 serán en cadeas hostaleiras.
-Dominio de inglés e/ou francés.
-Dispoñibilidade para viaxar.
4. Valorarase:
-Currículo.
-Coñecementos de xestión hostaleira.
-Tratamento de textos e folla de cálculo (Microsoft Office).
-Capacidade de dirección e integración en equipos de traballo.
5. Probas que se realizarán:
-Exame de coñecementos profesionais eliminatorio (ver temario anexo I).
-Proba oral e escrita de inglés e/ou francés.
-Proba práctica de Microsoft Word 2000 e Microsoft Excel 2000.
-Cuestionario de personalidade.
-Entrevista persoal.
A.3. Posto: profesor de prácticas de cociña (Ref. COC-1699).
1. Funcións principais: sempre baixo a supervisión do responsable do departamento, colaborar no deseño das materias relacionadas coa formación en cociña (incluíndo elaboración do material, impartición de clases e avaliación de alumnos) así como coordina-la formación coa xestión dos puntos de venda do CSHG.
2. Prazas: 1 (xornada completa).
3. Requisitos:
-Titulación oficial ou específica na área.
-Experiencia docente.
-Experiencia profesional na área de 18 meses, dos que un mínimo de 6 serán como 2º de cociña (ou posto superior).
4. Valorarase:
-Currículo.
-Coñecementos da área.
-Coñecementos de inglés e/ou francés.
-Aptitude docente.
-Ofimática.
-Capacidade de integración en grupos de traballo.
5. Probas que se realizarán:
-Exame eliminatorio de coñecementos da área (ver temario anexo I).
-Impartición de clase.
-Planificación docente.
-Proba práctica de Microsoft Word 2000.
-Proba oral e escrita de inglés e/ou francés.
-Cuestionario de personalidade.
-Entrevista persoal.
A.4. Documentación que se presentará:
-Solicitude por praza a que se opta, indicando a referencia, dirixida ó director do CSHG (A Barcia. Estrada Santiago-Noia, km 3. Apartado 578. 15896 Santiago de Compostela).
-Currículo.
-Acreditación orixinal dos méritos reflectidos no C.V. Os títulos oficiais obtidos no estranxeiro deberán estar validados en España.
-Certificación académica que indique as cualificacións obtidas na titulación requirida e o número de convocatorias por materia.
A.5. Prazo de presentación de solicitudes:
O prazo de presentación de solicitudes será de 10 días hábiles contados a partir do seguinte ó da publicación deste anuncio no Diario Oficial de Galicia.
A.6. Selección:
Expirado o prazo de presentación de solicitudes, o comité de selección designado para cada unha das prazas publicará as listas previas de admitidos e excluídos a cada proceso.
Santiago de Compostela, 25 de novembro de 1999.
Aurelio Miras Portugal
Conselleiro-delegado de Turgalicia, S.A.
ANEXO
Proba de coñecementos
-Profesor de aloxamento. Área recepción.
1. Organización e funcións da área de recepción.
2. Atención telefónica.
3. As reservas e a súa xestión.
4. Check-in.
5. Control e xestión da estadía.
6. Man-corrente e facturación: check-out.
7. Departamento de conserxería.
8. Distribución e comercialización do producto hostaleiro.
9. Control, xestión e certificación da calidade na hostalería.
10. Determinación de prezos.
-Adxunto á dirección. Coordinador de stages.
1. Tipos de servicio (restaurante, bar, cafetería).
2. Xestión de compras e almacén.
3. Control de custos en hostalería.
4. Comercialización da área de restauración.
5. Comercialización da área de aloxamento.
6. Organización do departamento de alimentos e bebidas.
7. Organización do departamento de aloxamento.
8. Fixación de prezos.
9. Confección de orzamentos.
10. Regulación xurídica do sector hostaleiro.
-Profesor de prácticas de cociña.
1. Equipamento e maquinaria en cociña.
2. Tratamento dos alimentos.
3. Fondos e salsas.
4. Métodos de cocción.
5. Hixiene en cociña.
6. Organización do traballo e a brigada de cociña.
7. Elaboración e planificación de menús e cartas.
8. Recepción de mercadorías e almacenaxe.
9. Xestión de stocks.
10. Control de custos en cociña e fixación de prezo de venda.
