O Pleno do Concello de Vigo, en sesión do día 29 de novembro de 1999, acordou aprobar definitivamente o estudio de detalle da UE V-A/B do PERI IV-05 Travesía de Vigo-Aragón, formulado pola xunta de compensación da devandita unidade de execución e redactado polo arquitecto José M. Alonso Ogando con visado do COAG de datas 30 de novembro de 1998 e 2 de marzo de 1999 e texto refundido da memoria con visado do 6 de abril de 1999.
Contra o devandito acordo, que pon fin á vía administrativa, poderá interpoñerse recurso contencioso-administrativo no prazo de dous meses contados desde o día seguinte da publicación deste anuncio.
Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común para todos aqueles propietarios que sexan descoñecidos, se ignore o lugar de notificación ou cando, intentada esta non se puidese practicar.
Vigo, 21 de decembro de 1999.
Lois Pérez Castrillo
Alcalde-presidente da Xerencia Municipal
de Urbanismo