Aprobado por resolución da alcaldía do 18 de xaneiro de 2000 o prego de cláusulas administrativas particulares regulador do concurso, con procedemento aberto, para a subministración de equipamentos informáticos, exponse ó publico polo prazo de oito días, contados a partir do seguinte ó da derradeira publicación deste anuncio no BOP ou DOG. Asemade, publícase o seguinte anuncio de licitación, ben que quedará aprazada cando sexa necesario no suposto de que se formulen reclamacións contra o prego de condicións.

Obxecto do concurso: a subministración e instalación de 10 ordenadores, 1 impresora láser, 1 tarxeta RDSI para servidor, 2 servidores e impresión externos, 1 conmutador 16 portos 10/100, con destino ós distintos departamentos municipais.

Información: secretaría municipal-Negociado de Contratación.

Proposicións: poderán presentarse no rexistro xeral, Negociado de Contratación ata as 14 horas do día dentro do prazo de trece días naturais contados desde o seguinte ó da derradeira publicación do anuncio de licitación no BOP ou DOG.

Gastos de anuncios: os gastos do presente anuncio serán por conta dos adxudicatarios.

Ortigueira, 21 de xaneiro de 2000.

Antonio Campo Fernández

Alcalde