O Pleno do Concello, en sesión do día 30 de decembro de 1999, adoptou o seguinte acordo, que na súa parte dispositiva di:

Primeiro.-Aplica-lo procedemento expropiatorio de taxación conxunta, para a obtención dos bens e dereitos afectados polo proxecto de urbanización da UE 5 Viñagrande, exteriores ó ámbito do PERI.

Segundo.-Aprobar inicialmente o proxecto expropiatorio polo procedemento de taxación conxunta para a obtención dos bens e dereitos afectados polo proxecto de urbanización da UE 5 Viñagrande, exteriores ó ámbito do PERI, redactado pola Xunta de Compensación do devandito polígono.

Terceiro.-Somete-lo expediente a información pública polo prazo dun mes mediante a inserción de anuncios no DOG e nun xornal dos de maior circulación da provincia, con notificación individual ós que aparezan como titulares de bens ou dereitos no expediente, nos termos do artigo 145, puntos 2º, 3º e 4º da Lei do solo de Galicia.

Por medio deste anuncio sométese a información pública o devandito expediente, mediante a inserción de anuncios no Diario Oficial de Galicia e nun dos xornais de maior circulación da provincia, significando que o prazo de información pública é como

mínimo dun mes e se entenderá aberto coa publicación do primeiro anuncio ata transcorrido un mes da publicación do derradeiro, computado na forma prevista no artigo 48 da LRXAP-PAC, co fin de que quen poida resultar interesado formule as observacións e reclamacións que considere conveniente, en particular no que atinxe á titularidade ou valoración dos seus respectivos dereitos. O expediente atópase na oficina de Información da Xerencia Municipal de Urbanismo (planta baixa do edificio da Xerencia, praza do Rei, esquina rúa Cachamuíña) á disposición do público en xeral.

De conformidade co artigo 59.4º da LRXAP-PAC en relación coa Lei do solo de Galicia, por medio deste anuncio e a publicación no taboleiro de edictos do concello, notifícaselle-lo acordo que nel se contén a tódolos propietarios afectados descoñecidos, de ignorado domicilio, ou respecto dos cales non se poida practica-la notificación individual intentada.

Vigo, 13 de xaneiro de 2000.

Lois Pérez Castrillo

Alcalde-presidente da Xerencia

Municipal de Urbanismo

Relación de propietarios, bens e dereitos

afectados de expropiación