Publicado o acordo do 6 de outubro de 1999 (DOG nº 201, do 18 de outubro) relativo á publicación das listas para a cobertura con carácter temporal
de postos de traballo reservados a persoal laboral reguladas no Decreto 89/1997, do 10 de abril, e correspondente á categoría 30 (auxiliar de formación ocupacional) grupo IV (lista A) e unha vez finalizados os prazos previstos nos puntos terceiro e cuarto da citada resolución e elaboradas as listas definitivas pola comisión permanente de selección para a cobertura de postos de traballo reservados a persoal laboral na sesión celebrada o día 8 de febreiro de 2000, a Dirección Xeral da Función Pública
RESOLVE:
Primeiro.-Facer públicas as listas definitivas para a cobertura con carácter temporal de postos de traballo reservados a persoal laboral da categoría 30 (auxiliar de formación ocupacional) do grupo IV (lista A):
Anexo I. Figuran os solicitantes incluídos na lista.
Anexo II. Figuran os solicitantes excluídos coa expresión da causa de exclusión.
Segundo.-Os citados anexos atópanse expostos nas seguintes dependencias:
-Dirección Xeral da Función Pública da Consellería da Presidencia e Administración Pública.
-Servicio de Información e Atención ó Cidadán da Consellería da Presidencia e Administración Pública.
-Delegacións provinciais da Consellería da Presidencia e Administración Pública.
-Oficinas comarcais da Consellería da Presidencia e Administración Pública.
Terceiro.-No anexo I, ó que se refire o punto segundo da presente resolución, figuran os solicitantes incluídos na lista da citada categoría.
Cuarto.-En todo caso, terán que acreditar no momento no que acepten o posto de traballo que se lles oferte, a documentación precisa, tal e como se dispón na base 4ª da resolución da Dirección Xeral da Función Pública do 30 de xuño de 1999.
Quinto.-A partir da data de publicación no Diario Oficial de Galicia desta resolución quedarán sen efecto as listas da dita categoría elaboradas anteriormente, tal e como se establece na base 6ª da resolución da Dirección Xeral da Función Pública do 30 de xuño de 1999 (DOG nº 129, do 7 de xullo).
Sexto.-Contra esta resolución os interesados poderán interpoñer recurso de alzada perante o conselleiro da Presidencia e Administración Pública no prazo dun mes contado desde o día seguinte ó da publicación da presente resolución no DOG, de acordo co artigo 114 da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 9 de febreiro de 2000.
Joaquín López-Rúa Soler
Director xeral da Función Pública