Mediante acordo do Pleno da Mancomunidade das Terras do Návea-Bibei apróbase o expediente de contratación por concurso en procedemento aberto, declarado de tramitación urxente, relativo á xestión indirecta mediante concesión do servicio do matadoiro da mancomunidade; así como o prego de cláusulas administrativas particulares que rexen a contratación e que se expón ó público na secretaría
mancomunal durante os catro días hábiles seguintes ó da publicación no BOP e no DOG, deste anuncio.
Ó mesmo tempo, acórdase abri-lo procedemento de licitación (só se suspenderá a licitación se se presentasen reclamacións contra o prego de cláusulas administrativas que a rexen e sempre que iso resulte necesario), publicando no BOP e no DOG a seguinte:
Convocatoria de concurso en procedemento aberto.
1. Entidade adxudicadora.
a) Organismo: Mancomunidade das Terras do Návea-Bibei.
b) Dependencia que tramita o expediente: secretaría.
c) Número de expediente: 2000/01/01/C.
2. Obxecto do contrato.
a) Descrición do obxecto: a adxudicación da xestión indirecta mediante concesión do matadoiro da mancomunidade comporta a xestión e explotación do servicio nos termos e condicións que se deriven da contratación, así como, da lexislación xeral que resulte da aplicación.
b) Lugar de execución: matadoiro mancomunal das Terras do Návea-Bibei, sede na Pobra de Trives (Ourense).
c) Prazo da concesión: os cinco anos seguintes á data do contrato, sendo estes prorrogables nos termos que se explicitan no prego.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso.
4. Canon de explotación.
3 ptas. por kg/canal.
A aplicación desta cantidade efectuarase ó total de quilos a que ascenda mensualmente o total de animais sacrificados.
A cantidade sinalada poderá ser mellorada á alza polos participantes no concurso.
5. Garantías.
Provisional: non se esixe.
Definitiva: 500.000 ptas.
6. Obtención de documentación e información.
a) Entidade: Mancomunidade das Terras do Návea-Bibei.
b) Domicilio: Paseo de San Roque, 4-1º.
c) Localidade e código postal: A Pobra de Trives 32780.
d) Teléfono: 988 33 09 09.
e) Fax: 988 33 10 10.
f) C:mail:CTRIVESX*teleline.es.
g) Data límite da obtención de documentos e información: o décimo terceiro día natural, contado desde o seguinte ó da publicación do presente edicto no BOP e no DOG. Se coincidise con sábado ou festivo, prorrogarase o prazo ó seguinte día natural non festivo.
7. Requisitos específicos do contratista: non se establecen.
8. Presentación das proposicións.
a) Data límite de presentación: o décimo terceiro día natural contado desde o seguinte ó da publicación do presente anuncio no BOP e DOG. Se coincidise con sábado ou festivo, prorrogarase o prazo ó seguinte día natural non festivo.
b) Documentación: presentarase en 3 sobres de conformidade co establecido no prego de condicións onde poderá tamén obte-lo modelo de proposición.
c) Lugar de presentación:
1ª Entidade: Mancomunidade das Terras do Návea-Bibei, A Pobra de Trives.
2ª Domicilio: Paseo de San Roque, 4-1º, A Pobra de Trives.
3ª Localidade e código postal: A Pobra de Trives 32780.
4ª Prazo: 13 días naturais desde o seguinte á última publicación no DOG e BOP.
d) Prazo durante o cal o licitador estará obrigado a mante-la súa oferta: ata a sinatura do contrato.
9. Apertura das ofertas.
a) Entidade: Mancomunidade das Terras do Návea-Bibei, A Pobra de Trives.
b) Domicilio: Paseo San Roque, 4.1º.
c) Localidade: A Pobra de Trives.
d) Data: o primeiro día natural seguinte ó da finalización do prazo para presentar proposicións, agás que coincida con sábado, domingo ou festivo, a licitación terá lugar o primeiro día natural posterior.
e) Hora: 12 horas.
10. Outras informacións.
10.1. Criterios de valoración que se terán en conta para a adxudicación do concurso:
1º Experiencia e servicios acreditados como xestor de matadoiros públicos, de 0 a 5 p.
2º Plan de organización da xestión do servicio proposto polos concorrentes, de 0 a 5 p.
3º Obras, instalacións ou melloras non obrigatorias que se comprometa a executar pola súa conta co obxecto de mellora-lo servicio, de 0 a 5 p.
4º Canon ofertado á Administración, de 0 a 10 p.
5º Compromiso de contratación do persoal dentro da área da mancomunidade, de 0 a 5 p.
10.2. Garantía responsabilidade civil do concesionario:
O adxudicatario da concesión, co obxecto de garantir e responder da prestación do servicio, antes do inicio deste, presentará unha póliza de seguros que garanta a súa responsabilidade, cubrindo riscos ata un importe de 25.000.000 de ptas., tendo vixencia mentres dura a concesión.
11. Gastos de anuncios: serán sempre por conta do adxudicatario.
Luis Álvarez González
Presidente da Mancomunidade das Terras
do Návea-Bibei
