Por resolución da Dirección Xeral de Obras Públicas da Xunta de Galicia do 19 de xaneiro de 1999 foi aprobado o proxecto das obras de acondicionamento da estrada LU-131, treito Lourenzá-Cruz da Cancela (clave N/LU/91.19).
En acordo adoptado polo Consello da Xunta de Galicia o día 11 de marzo de 1999 declárase urxente para efectos de aplicación do procedemento que regula o artigo 52 da vixente Lei de expropiación forzosa do 16 de decembro de 1954 a ocupación de bens e dereitos afectados polo referido proxecto.
Para tal efecto convócanse os propietarios e titulares de bens e dereitos afectados, que figuran na relación exposta no taboleiro de anuncios dos concellos de Lourenzá e Mondoñedo na Delegación Provincial de Lugo, para que comparezan no lugar, día e hora que se detalla a continuación, co fin de proceder ó levantamento de actas previas á ocupación destes, que recollerán os datos necesarios para a determinación dos dereitos afectados, os seus titulares e o valor daqueles, sen prexuízo de se trasladaren ó lugar dos predios se o considerase necesario.
Concello de Lourenzá.
Lugar: Casa do Concello en Vilanova de Lourenzá.
DataHoraNº predio
20 de marzo de 2000De 10 a 14 Do 001 ó 050
21 de marzo de 2000De 10 a 14Do 051 ó 101
22 de marzo de 2000De 10 a 14Do 102 ó 152
23 de marzo de 2000De 10 a 14Do 153 ó 203
24 de marzo de 2000De 10 a 14Do 204 ó 254
27 de marzo de 2000De 10 a 14Do 255 ó 305
28 de marzo de 2000De 10 a 14Do 306 ó final
Concello de Mondoñedo.
Lugar: Casa do Concello de Mondoñedo.
DataHoraNº predio
29 de marzo de 2000De 10 a 14Do 355 ó 390
30 de marzo de 2000De 10 a 14Do 391 ó 425
31 de marzo de 2000De 10 a 14Do 426 ó final
Ó devandito acto deberán acudi-los titulares afectados persoalmente ou ben representados por persoa debidamente autorizada para actuar no seu nome, achegando os documentos acreditativos da súa titularidade, documento nacional de identidade e o último recibo da contribución, podendo acompañarse á súa custa, se o estimaren oportuno, dos seus peritos e un notario.
Tendo en conta estes antecedentes e en cumprimento do establecido no artigo 17, parágrafo 2º da Lei de expropiación forzosa, ábrese a información pública ata o momento do levantamento da acta previa á ocupación correspondente, co fin de que os interesados poidan formular por escrito ante esa Xefatura Provincial de Estradas da Xunta de Galicia, sita na Ronda da Muralla nº 70, 27071-Lugo, as alegacións que estimen pertinentes co obxecto de emendar posibles erros que se producisen ó relaciona-los propietarios afectados.
Lugo, 27 de xaneiro de 2000.
Carlos Escudero Vigil
Enxeñeiro xefe Provincial de Estradas