No artigo 5 do Decreto 326/1996, do 26 de xullo, de regulamentación do Centro Galego de Arte Contemporánea, establécese que o Padroado do CGAC será o seu órgano rector colexiado, indicando a composición dos seus membros; e que lle corresponde ó conselleiro de Cultura, Comunicación Social e Turismo o nomeamento dos vocais por designación entre persoas de recoñecido prestixio ou competencia en asuntos relacionados coa cultura e as artes plásticas ou que se distinguiran polos servicios ou axudas ó Centro Galego de Arte Contemporánea.
É polo que, conforme as facultades conferidas na disposición derradeira primeira do citado decreto,
DISPOÑO:
Artigo único.-Nomear como vocal por designación do Padroado do Centro Galego de Arte Contemporánea a Domingo Aller Rodríguez.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, trinta e un de xaneiro de dous mil.
Jesús Pérez Varela
Conselleiro de Cultura, Comunicación Social
e Turismo