Ó abeiro do establecido no regulamento de execución da Lei de ordenación dos transportes terrestres, aprobado por Real decreto 1211/1990, do 28 de setembro, iníciase expediente de modificación concesional (segregación de tráficos) dentro da concesión do servicio público regular permanente de uso xeral de viaxeiros por estrada: V-7047; XG-421, entre Vigo-Gondomar-Fornelos (O Rosal), con anexos, da titularidade de Viajes Melytour, S.L.
Os tráficos que se pretenden segregar son os correspondentes ós itinerarios Ponte Internacional-Tui-O Porriño-Redondela-Pontevedra e Amoedo-Cepeda-Nespereira-Alto dos Valos-Redondela.
Dentro do mesmo expediente queda integrada a solicitude de cambio de titularidade dos tráficos que se pretenden segregar, a favor de Castromil, S.A. e a modificación de horarios e aumento de expedicións no itinerario Ponte Internacional-Tui-O Porriño-Redondela-Pontevedra.
Os interesados ou afectados no expediente poderán comparecer no procedemento e, tralo exame da documentación pertinente no Servicio Provincial de Transportes de Pontevedra (estación de autobuses), efectua-las observacións que consideren oportunas no prazo dun mes, contado a partir do día seguinte ó da publicación da presente resolución no Diario Oficial de Galicia.
Santiago de Compostela, 10 de xaneiro de 2000.
Juan Carlos Villarino Tejada
Director xeral de Transportes