Visto o texto da acta asinada o día 3 de decembro de 1999 pola comisión paritaria do convenio colectivo do sector de rematantes e serradoiros de madeira
da provincia da Coruña (código 1501235), integrada pola representación da Asociación Provincial de Empresarios de Rematantes e Serradoiros de Madeira da Coruña e das centrais sindicais UGT, CC.OO. e CIG, mediante o que se fixa o calendario laboral para o ano 2000, no ámbito do referido convenio, e de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo existente nesta delegación provincial e notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
A Coruña, 20 de decembro de 1999.
Mª Reyes Carabel Pedreira
Delegada provincial da Coruña
Acta.
Asistentes:
Parte empresarial:
Ramón Romero Quintáns.
Benito García Sánchez.
Manuel Piñeiro Esperante.
Parte sindical:
UGT: Jesús Mari Calvo Romero.
CC.OO.: Santiago Huertas Pozurama.
CIG: Victorino Ares Prado.
Na cidade da Coruña, ás dezasete horas do día tres de decembro de mil novecentos noventa e nove, reúnese a comisión paritaria do convenio colectivo provincial de rematantes e serradoiros de madeira para, dando cumprimento ó pactado no artigo 18 do devandito convenio, confeciona-lo calendario laboral que rexerá desde o 1 de xaneiro do ano 2000 ata o 31 de decembro do mesmo ano.
Ámbalas partes proceden á confección do citado calendario, o texto do cal figura anexo á presente acta.
E sen máis asuntos dos que tratar levántase a sesión, sendo as dezaoito horas da data enriba sinalada, asinando a conformidade a totalidade dos asistentes.