En cumprimento das funcións que lle están atribuídas á Dirección Xeral de Industrias e Alimentación, e para xeral coñecemento, acórdase publica-la relación das sociedades agrarias de transformación constituídas conforme o Real decreto 1776/1981, do 3 de agosto, e a orde da Consellería de Agricultura do 29 de abril de 1988, inscritas no rexistro de SS.AA.TT. de Galicia, así como as modificacións, disolucións e cancelacións que se citan.
Constitución de:
A Sociedade Agraria de Transformación Casa Ruanova SAT nº 1038 XUGA, de responsabilidade limitada e cunha duración ilimitada, con enderezo en Lg. Vilaradeira-Castelo-Trazo (A Coruña); obxecto
social: producción gandeira; capital social: 39.000.000 de pesetas; nº de socios: 3.
A Sociedade Agraria de Transformación Cubano SAT nº 1039 XUGA, de responsabilidade limitada e cunha duración ilimitada, con enderezo en Lg. Xesteda-Cerceda (A Coruña); obxecto social: producción gandeira; capital social: 28.800.000 pesetas; nº de socios: 3.
Modificación de:
A Sociedade Agraria de Transformación Granxa Areán SAT nº 984 XUGA, na asemblea xeral do 24 de setembro de 1999, acorda por unanimidade a alta dun socio e a baixa doutro socio, sen varia-lo capital social, así como a elección de nova xunta rectora, que queda integrada por: José Areán Areán, presidente, Genoveva Josefa Areán Jorge, secretaria e José Areán Carballo, vocal.
A Sociedade Agraría de Transformación Souto Fao SAT nº 918 XUGA, na asemblea xeral do 20 de decembro de 1999, acorda por maioría a elección da xunta rectora, que queda integrada por: Fernando Souto Louzao, presidente, Rafael Pedro Souto Carlín, secretario e Piedad Louzao Couto, vocal.
Disolución de:
A Sociedade Agraria de Transformación Cunicultura Costas SAT nº 769 XUGA, na asemblea xeral do 31 de xullo de 1999, con tódolos socios, acorda por unanimidade aproba-la súa disolución, nomeando os socios liquidadores.
Cancelación de:
A Sociedade Agraria de Transformación Cunicultura Costas SAT nº 769 XUGA, na asemblea xeral do 15 de agosto de 1999, con tódolos socios acorda por unanimidade aproba-lo informe-balance final e a súa cancelación.
Santiago de Compostela, 23 de decembro de 1999.
Secundino Grobas Mosquera
Director xeral de Industrias e Alimentación