En cumprimento do disposto no artigo 2, punto 4º, do Decreto 327/1991, do 4 de outubro, de avaliación dos efectos ambientais para Galicia (DOG nº 199, do 15 de outubro), e durante o prazo de vinte días, o órgano ambiental someterá o estudio de efectos ambientais ó trámite de información pública, mediante anuncio no Diario Oficial de Galicia.
Na súa virtude,
RESOLVO:
1. Someter a información pública o estudio de efectos ambientais do proxecto de concesión derivada do permiso de investigación Pequeña, nº 2.510 situado en Tui e Salceda de Caselas (Pontevedra).
2. Para os devanditos efectos informativos poranse á disposisición dos administrados exemplares nas seguintes dependencias:
-Dirección Xeral de Calidade e Avaliación Ambiental.
-Delegación Provincial da Consellería de Medio Ambiente de Pontevedra.
-Concellos de Tui e Salceda de Caselas.
3. As alegacións formularanse durante o dito prazo de vinte días contado a partir do día seguinte ó da publicación desta resolución no Diario Oficial de Galicia.
Santiago de Compostela, 27 de decembro de 1999.
Francisco Pan-Montojo González
Director xeral de Calidade e Avaliacion Ambiental