A) Subministración.
1. Adquisición.
Obxecto: automóbil turismo.
Clave: PX01/2000.
Número de unidades que se van entregar: dous (2) vehículos.
Orzamento: cinco millóns cincocentas mil pesetas (5.500.000 ptas., equivalentes a 33.055,66 euros).
Lugar e prazo de entrega: Santiago de Compostela, trinta (30) días contados a partir do asinamento do contrato.
Fianza provisional: non se esixe.
2. Alugamento.
Obxecto: vehículo todoterreo.
Clave: PX02/2000.
Orzamento: seis millóns de pesetas (6.000.000 de ptas., equivalentes a 36.060,72 euros).
Duración: tres (3) anos.
Lugar e prazo de entrega: Santiago de Compostela, quince (15) días contados a partir do asinamento do contrato.
Fianza provisional: non se esixe.
B) Documentos de interese para os licitadores.
O prego tipo de cláusulas administrativas particulares, así como o prego de prescricións técnicas, estarán de manifesto e á disposición dos concursantes, para o seu exame, durante o prazo de presentación das proposicións, os días e horas hábiles de oficina (das 8.30 ás 14.30 e das 16 ás 18 horas), no Instituto Enerxético de Galicia, rúa Ourense, 6, A Rosaleda, Santiago de Compostela.
C) Garantías que se lles esixen ós licitadores.
Esixiráselle-la fianza provisional indicada na letra A) anterior, salvo nos casos establecidos no parágrafo 2 do artigo 36 da Lei 13/1995, do 18 de maio, de contratos das administracións públicas (modificado
polo artigo 77 da Lei 66/1997, do 30 de decembro, BOE do 31 de decembro), e unha fianza definitiva equivalente ó 4% do orzamento de contrata.
A dita fianza poderá ser presentada na modalidade e polas persoas ou entidades que especifica a lexislación española vixente.
D) Modelo de proposición.
Proposición económica formulada estrictamente conforme o modelo que se xunta ó prego tipo de cláusulas administrativas particulares.
E) Prazo e lugar para a presentación das proposiciones.
As proposicións haberán de presentarse en sobre pechado, selado e asinado, nas dependencias do Instituto Enerxético de Galicia ou envialas por correo dentro do prazo de admisión sinalado conforme o disposto no artigo 100 do Regulamento xeral de contratación do Estado.
O prazo de admisión das proposicións rematará ás catorce horas do día seis (6) de marzo de 2000.
F) Apertura das proposicións.
A apertura das proposicións será realizada pola mesa de contratación, na sala de xuntas do Instituto Enerxético de Galicia, ás dez horas do día dezaseis (16) de marzo de 2000.
A mesa de contratación comprobará en acto previo a documentación xeral (sobre nº 1), segundo se especifica no punto 6.a) «Constitución e funcionamento da mesa», do prego tipo de cláusulas administrativas particulares.
G) Documentos que deben presenta-los licitadores.
Os que figuran no prego tipo de cláusulas administrativas particulares.
O importe deste anuncio será por conta dos adxudicatarios.
Santiago de Compostela, 26 de xaneiro de 2000.
Juan Caamaño Cebreiro
Director do Instituto Enerxético de Galicia