Visto o texto do convenio colectivo para o sector de materiais e prefabricados da construcción (código 2700395), da provincia de Lugo, asinado o día 2 de novembro de 1999, pola representación da patronal (APEC) e das centrais sindicais MCA-UGT (45,9%) FECOMA-CC.OO. (24,3%), USO (5,4%) e FCM-CIG (21,6%), e de conformidade co disposto no artigo 90 apartados 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo.
Esta delegación provincial,
ACORDA:
Primeiro.-Ordena-la inscrición do citado convenio colectivo no rexistro de convenios desta delegación, así como o seu depósito.
Segundo.-Remiti-lo texto do mentado convenio á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 10 de decembro de 1999.
Manuel Teijeiro Álvarez
Delegado provincial de Lugo
Asistentes e representantes:
Representación social:
Por MCA-UGT, co 45,9%:
Adolfo Mosteirín Turia.
Plácido Regueiro Gorgoso.
Pedro González Sordo.
Por FECOMA-CC.OO., co 24,3%:
Jesús Varela Lodeiro.
Ángel Barreiro Pérez.
José Antonio Cabo Martínez.
Por USO, co 5,4%:
Mª del Carmen Arias Río.
Manuel Expósito López.
Por FCM-CIG, co 21,6%:
Ignacio Javier García Gómez.
Guillermo Rey Rouco.
Xosé Manuel Seixas Ares.
Representación patronal (APEC):
Hipólito Trinidad Losada.
Miguel Varela Varela.
Ricardo Castro López.
José Juan Meijide Calvo.
Manuel Sánchez Varela.
Juan Manuel Glez. Zaera Glez.
Silviano Pizarro Gómez.
Asesora:
Pilar Díaz Rodríguez.
Na cidade de Lugo e na sede da Asociación Provincial de Empresarios da Construcción de Lugo, sita na Avda. das Américas, 15-17, entreplanta, reúnense os representantes das centrais sindicais e da Asociación Provincial de Empresarios da Construcción de Lugo relacionados arriba, ás 20 horas o día 2 de novembro de 1999, logo de convocatoria cursada para o efecto con obxecto de negocia-lo convenio colectivo de traballo para a actividade de materiais e prefabricados da construcción na provincia de Lugo.
Aberta a sesión e despois de intercambios de distintos puntos de vista chégase ós seguintes acordos:
1º Aproba-lo convenio colectivo de traballo para a actividade de materiais e prefabricados da construcción na provincia de Lugo para o ano 1999, a redacción do cal se xunta con tódolos seus anexos.
2º Aproba-la táboa de retribucións revisada que figura no anexo I.
3º Publica-lo texto do convenio colectivo, táboas de retribucións e calendario do citado convenio coa vixencia que no dito texto se indica.
4º Remiti-la presente acta co texto do convenio e documentación adxunta á Delegación Provincial da Consellería de Xustiza, Interior e Relacións Laborais de Galicia en Lugo para o seu rexistro e envío ó DOG e ó BOP.
5º Que os atrasos de retribucións se aboarán no mes seguinte á publicación deste acordo no BOP ou no DOG, non obstante, pola parte empresarial recomendarase ós seus asociados o aboamento dos ditos atrasos antes de remata-lo ano 1999.
6º Autorizar expresamente a asesora da Comisión Negociadora Pilar Díaz Rodríguez para que se dirixa á delegación provincial da Consellería de Xustiza, Interior e Relacións Laborais para os efectos de proceder á tramitación, depósito e publicación.
7º A CIG manifesta o seu desexo de non asinar o presente convenio.
E en proba de conformidade asínase a presente acta polos integrantes da Comisión Negociadora, no lugar e data expresados no encabezamento, se ben non subscribe o acordo a CIG, que queda non obstante aprobado pola maioría absoluta da represen
tación sindical e a totalidade dos representantes empresariais.
Asistentes e representantes:
Representación social:
Por MCA-UGT co 45,9%:
Adolfo Mosteirín Turia.
Plácido Regueiro Gorgoso.
Pedro González Sordo.
Por FECOMA-CC.OO. co 24,3%:
Jesús Varela Lodeiro.
Ángel Barreiro Pérez.
José Antonio Cabo Martínez.
Por USO co 5,4%:
Mª del Carmen Arias Río.
Manuel Expósito López.
Por FCM-CIG co 21,6%:
Ignacio Javier García Gómez.
Guillermo Rey Rouco.
Xosé Manuel Seixas Ares.
Representación patronal (APEC):
Hipólito Trinidad Losada.
Miguel Varela Varela.
Ricardo Castro López.
José Juan Meijide Calvo.
Manuel Sánchez Varela.
Juan Manuel Glez. Zaera Glez.
Silviano Pizarro Gómez.
Asesora:
Pilar Díaz Rodríguez.
Na cidade de Lugo e na Sede da Asociación Provincial de Empresarios da Construcción de Lugo, sita na Avda. das Américas, 15-17 entreplanta, reúnese a comisión deliberadora do convenio de materiais e prefabricados da construcción constituída polos representantes das centrais sindicais e da Asociación Provincial de Empresarios da Construcción de Lugo relacionados na marxe, ás 20 horas, o día 23 de novembro de 1999, logo de convocatoria cursada para o efecto co obxecto de emenda-los erros advertidos no citado convenio e para tal efecto,
Acordan:
1º Emenda-la palabra «paritaria» que figura no último parágrafo da acta de constitución da Comisión Mixta Deliberadora do convenio de materiais e prefabricados da construcción asinada en data 1-2-1999, xa presentada no rexistro xeral do edificio administrativo de Lugo, que quedará suprimida.
2º Emenda-lo acordo primeiro da acta de aprobación do convenio de materiais e prefabricados da construcción presentada o 2 de novembro do ano en curso no rexistro xeral do edificio administrativo, que queda redactado como segue:
«Aproba-lo convenio colectivo de traballo para a actividade de materiais e prefabricados da construcción na provincia de Lugo para os anos 1999, 2000 e 2001, a cal redacción se xunta con tódolos seus anexos».
3º Emenda-lo erro advertido no artigo 6 do convenio que queda redactado nos seguintes termos:
«Para o ano 1999, 2000 e 2001 o incremento económico atópase reflectido nos conceptos de salario base, gratificacións extraordinarias, retribución de
vacacións e pluses salariais e extrasalariais que figuran no anexo I e do artigo 6 do anexo V».
4º Corrección das contías correspondentes ó nivel X: especialista de 2ª, peón especial, da táboa de retribucións do citado convenio, que quedarán establecidas da seguinte forma:
-Categorías: especialista de 2ª, peón especial.-Niveis: XI.-Mensual:
Salario base: 77.882.
Plus Asist. Prod. e Punt.: 21.429.
Plus extra salarial: 11.074.
Total: 110.385.-Anual:
Vacacións: 105.825.
Gratificacións: xullo (105.825). Nadal (105.825).-Total anual: 1.531.710.-Valor hora extra: 905.
5º Autorizar expresamente a asesora da Comisión Negociadora Pilar Díaz Rodríguez para que se dirixa á delegación provincial da consellería de Xustiza, Interior e Relacións Laborais para os efectos proceder á tramitación, depósito e publicación.
E en proba de conformidade asínase a presente acta polos integrantes da Comisión Negociadora, a excepción dos representantes da FCM-CIG no lugar e data expresados no encabezamento.
Convenio colectivo de traballo para a actividade de materiais
e prefabricados para a construcción da provincia
de Lugo
Artigo 1º
O presente convenio colectivo regula con carácter prioritario as relacións entre empresas e traballadores da provincia de Lugo, aínda que o domicilio social da empresa radicase fóra daquela, na seguinte actividade:
Mármores, granitos, lousas (extracción e acabado), pedra de gra, outras rochas para a construcción, cales, xesos e escaiolas, áridos, cementos naturais, formigón preparado, outros materiais da construcción que non estean incluídos nos esquemas orgánicos doutras actividades, prefabricados de xesos e escaiolas, prefabricados de cales, prefabricados de formigón, terrazos, mosaicos hidráulicos, outros pavimentos de cemento, fibrocemento, materiais illantes e de protección, e outros materiais prefabricados.
Queda excluída do ámbito funcional do presente convenio a actividade de cementos artificiais, así como aquelas que teñan convenio propio concertado.
Artigo 2º.-Lexislación supletoria.
No non previsto no presente convenio será de aplicación a lexislación xeral e o convenio xeral do sector da construcción publicado no BOE do 4-6-1998 e acordo sectorial nacional do 24-5-1999.
Artigo 3º.-Ámbito territorial.
Este convenio é de aplicación a tódalas empresas e traballadores comprendidos no seu ámbito funcional que realicen a súa actividade na provincia
de Lugo, aínda cando o enderezo social da empresa radicase fóra dela.
Artigo 4º.-Ámbito persoal.
Comprende este convenio a totalidade dos traballadores das empresas incluídas no ámbito funcional, así como o persoal que en diante forme parte dos cadros de persoal daquelas.
Quedan exceptuados os cargos de alta dirección determinados na vixente lexislación laboral.
Artigo 5º.-Vixencia e incrementos salariais.
A vixencia para efectos económicos do presente convenio será desde o 1 de xaneiro de 1999 ata o 31 de decembro de 2001, trala súa publicación no Diario Oficial de Galicia ou no BOP. Coas actualizacións que se recollen no artigo 6º.
Malia o anterior, e evitando o baleiro normativo que noutro caso se produciría, unha vez terminada a súa vixencia inicial, ou a de calquera das súas prórrogas, continuará rexendo na súa totalidade tanto o seu contido normativo como no obrigacional ata que sexa substituído por outro.
Artigo 6º.-Incrementos económicos.
Para o ano 1999, 2000 e 2001 o incremento económico atópase reflectido nos conceptos de salario base, gratificacións extraordinarias, retribución de vacacións e pluses salariais e extrasalariais que figuran no anexo I.
Artigo 7º.-Cláusula de garantía salarial.
No suposto de que o incremento anual do índice de prezos ó consumo (IPC) o 31 de decembro de 1999 supere o un con oito por cento (1,8%) efectuarase unha revisión económica sobre o exceso do dito tanto por cento, para efectos de que sirva de base para a negociación colectiva seguinte.
O mesmo criterio fixado no parágrafo anterior operará, se é o caso, para a revisión económica dos anos 2000 e 2001, cando do IPC o 31 de decembro, supere o IPC previsto nos orzamentos xerais do Estado respectivos, que servirán de base para fixa-los incrementos salariais sinalados no artigo 6º do presente convenio.
A dita revisión, se é o caso, afectará ós conceptos previstos no artigo 6º do presente convenio.
Artigo 8º.-Indivisibilidade e vinculación á totalidade.
Ó seren as condicións pactadas un todo orgánico e indivisible, o presente convenio será nulo e quedará sen efecto no suposto de que a xurisdicción competente anulase ou invalidase algún dos pactos. Se se dese tal suposto, as partes signatarias deste convenio comprométense a reunirse dentro dos 10 días seguintes ó da firmeza da resolución correspondente, co obxecto de resolve-lo problema formulado. Se no prazo de 45 días a partir da data da firmeza da resolución en cuestión, as partes signatarias non alcanzasen un acordo, comprométense a fixa-lo calendario de reunións para a negociación do convenio na súa totalidade.
Artigo 9º.-Rescisión.
A denuncia de rescisión ou revisión do convenio terá que efectuarse cunha antelación de tres meses á súa data de remate, mediante comunicación escrita á outra parte.
Artigo 10º.-Absorción, compensación e condicións mínimas.
As condicións do presente convenio absorberán ou compensarán calquera outra que exista á entrada en vigor e as que puidesen establecerse durante a súa vixencia, con respecto ás condicións máis beneficiosas que os traballadores teñan recoñecidas á entrada en vigor do convenio.
Artigo 11º.-Aviso previo de cesamento.
O persoal abranguido neste convenio obrígase a comunicar, por escrito, o cesamento na empresa, cos prazos seguintes:
Persoal técnico, empregados, administrativos e mercantís: un mes, como mínimo.
Persoal obreiro: oito días, como mínimo.
En ámbolos casos, referidos ó día no que deben causar baixa na empresa.
Ó persoal que cesase incumprindo tal requisito, descontaráselle da liquidación a cantidade correspondente a tantos días de haber, cantos se atrasase en formula-lo aviso.
A notificación será presentada por duplicado e asinada polo traballador, quen recibirá un exemplar asinado pola empresa coa data de presentación.
Artigo 12º.-Conservación do equipo mecánico e productividade.
Os traballadores obríganse a presta-la debida dilixencia na execución do seu traballo, colaborando na boa marcha da producción, mediante un rendemento normal e correcto.
Así mesmo, contraen a obriga de prestar especial atención á forma de execución dos traballos co fin de obte-la calidade adecuada. O persoal con mando no centro de traballo poderá rexeitar aqueles traballos ou productos que non se axusten ás normas de calidade xeralmente admitidas polas prácticas ou que se atopen establecidas nalgunha normativa aplicable á técnica industrial de que se trate.
O traballador responsable dun equipo mecánico de traballo terá a obriga, durante a xornada de traballo e nos tempos mortos, de coidar da boa conservación e mantemento deste, e deberá dar conta inmediata, ó empresario ou encargado da empresa, de calquera defecto ou entorpecemento que se manifeste en tales instrumentos, así como nas materias primas ou productos en curso de fabricación e responderá de tódolos danos e prexuízos causados na maquinaria ou nos ditos productos pola súa culpa ou neglixencia.
Réxime de traballo
Artigo 13º.-Período de proba.
1. Poderá concertarse por escrito un período de proba que en ningún caso poderá exceder de:
a) Técnicos titulados: 6 meses.
b) Empregados:
Niveis III, IV e V: 3 meses.
Niveis VI ó X: 2 meses.
Resto do persoal: 15 días naturais.
c) Persoal operario:
Encargados e capataces: 1 mes.
Resto do persoal: 15 días naturais.
2. Durante o período de proba, o traballador terá os dereitos e obrigas correspondentes á súa categoría profesional e posto de traballo que desempeña, como se fose do cadro de persoal, agás os derivados da resolución da relación laboral, que poderán producirse por instancia de calquera das partes durante o transcurso, sen necesidade de aviso previo e sen que ningunha das partes teña dereito a indemnización ningunha, debéndose comunica-la desistencia por escrito.
3. Transcorrido o tempo de proba sen se produci-la desistencia, o contrato producirá plenos efectos, computándose o tempo dos servicios prestados para efectos de permanencia na empresa.
Na situación de IT, se o empresario non desistise do contrato durante tal situación, suspenderá o período de proba.
4. Os titulares da cartilla profesional expedida pola Fundación Laboral da Construcción, con contrato fixo de obra ou outra modalidade de contrato temporal, estarán exentos do período de proba para os traballos da súa categoría profesional, sempre que conste na cartilla profesional ter acreditado o seu cumprimento en calquera empresa anterior, mentres subsista esta obriga no convenio xeral da construcción.
Artigo 14º.-Xornada laboral.
A xornada laboral normal de traballo establécese en 1.760 horas efectivas ó ano, que se realizarán a razón de 40 horas semanais, repartidas de luns a venres a razón de 8 horas diarias, sendo inhábiles sábados e domingos, conforme o calendario laboral anexo II.
A xornada laboral para o ano 2000 será igualmente de 1.760 horas efectivas de traballo e para o ano 2001 de 1.756 horas efectivas de traballo, sendo inhábiles sábados e domingos.
Artigo 15º.-Recuperación de horas non traballadas.
O 70% das horas non traballadas por interrupción da actividade, debido a causas de forza maior, accidentes atmosféricos, inclemencias do tempo, falta de subministracións ou calquera outra causa non imputable á empresa, recuperaranse a razón dunha hora diaria nos días laborables seguintes, logo de comunicación ós traballadores afectados e, se é o caso, ós seus representantes legais no centro de traballo.
No suposto de que a referida interrupción acade un período de tempo superior a vintecatro horas efectivas de traballo, aplicarase o disposto en materia
de suspensión do contrato, por causa de forza maior, no convenio xeral da construcción.
Todo isto mentres subsista esta obriga no convenio xeral da construcción.
Artigo 16º.-Vacacións.
As vacacións terán unha duración de trinta días naturais para tódalas categorías. O inicio das vacacións por parte dos traballadores farase sempre en día laborable que non sexa venres mentres subsista esta obriga no convenio xeral do sector da construcción.
En todo momento se aplicará o disposto no artigo 38 do Estatuto dos traballadores, que di textualmente:
1. O período de vacacións anuais retribuídas non substituíbles por compensación económica será o pactado en convenio colectivo ou contrato individual. En ningún caso a duración será inferior a trinta días naturais.
2. O período de desfrute fixarase de común acordo entre o empresario e o traballador, que tamén poderán convir na división en dous do período total. A falta de acordo aplicarase o disposto nos convenios colectivos, sobre planificación anual das vacacións, e respectaranse, en calquera caso, os criterios seguintes:
a) O empresario poderá excluír como período vacacional aquel que coincida coa maior actividade productiva da empresa, logo da consulta cos representantes legais dos traballadores.
b) Por acordo entre o empresario e os representantes legais dos traballadores poderán fixarse os períodos de vacacións de todo o persoal, xa sexa en quendas organizadas sucesivamente, xa sexa con suspensión total de actividades laborais, sen máis excepcións cás tarefas de conservación, reparación e similares.
c) Cando exista un réxime de quenda de vacacións, os traballadores con responsabilidades familiares teñen preferencia a que as súas coincidan cos períodos de vacacións escolares.
d) Se existise desacordo entre as partes, a xurisdicción competente fixará a data que para o desfrute corresponda e a súa decisión será irrecorrible. O procedemento será sumario e preferente.
3. O calendario de vacacións fixarase en cada empresa. O traballador coñecerá as datas que lle correspondan dous meses antes, polo menos, do comezo do desfrute.
4. As vacacións desfrutaranse por anos naturais. O primeiro ano de prestación de servicios na empresa só se terá dereito ó desfrute da parte proporcional correspondente ó tempo realmente traballado durante o dito ano.
5. O dereito a vacacións non é susceptible de compensación económica. Non obstante, o persoal que cese durante o transcurso do ano terá dereito ó aboamento do salario correspondente á parte de vacacións devengadas e non desfrutadas, como concepto integrante da liquidación pola súa baixa na empresa.
6. Para efectos do devengo de vacacións, considerarase como tempo efectivamente traballado o correspondente á situación de incapacidade laboral transitoria, sexa cal fose a súa causa. Non obstante, dado que o dereito ó desfrute de vacacións caduca co transcurso do ano natural, perderase este se, ó seu vencemento, o traballador continuase de baixa, aínda que manterá o dereito a percibi-la diferencia entre a retribución de vacacións e a prestación de IT.
7. Unha vez iniciado o desfrute do período regulamentario de vacacións, se sobreviñese a situación de incapacidade laboral transitoria, a duración desta computarase como días de vacación, sen prexuízo do dereito do traballador a percibi-la diferencia que puidese existir entre a retribución correspondente a vacacións e a prestación de IT.
Se a incapacidade temporal se producise despois de pactada a data de inicio para o desfrute individual das vacacións e antes de chegar á dita data, o traballador manterá o dereito a desfruta-las vacacións ata o transcurso do ano natural, acordándose un novo período de desfrute despois de producida a alta da IT.
O parágrafo anterior non será de aplicación nos suposto de vacacións colectivas de todo un centro de traballo.
8. O desfrute das vacacións, como norma xeral e salvo pacto en contrario, terá carácter ininterrompido.
O período vacacional poderá, non obstante, fraccionarse de común acordo entre empresa e traballador, e garantiránselle a este quince días, polo menos, de desfrute entre os meses de maio a setembro, ambos inclusive, complementándose o período que lle corresponda para o desfrute no resto do ano.
9. A retribución das vacacións consistirá na cantidade fixa establecida nas táboas salariais do convenio.
10. As vacacións terán unha duración de trinta días naturais para tódalas categorías. Non sendo en ningún caso computables os días festivos (F.C.) que reflicte o anexo II do calendario laboral do sector.
Artigo 17º.-Permisos e licencias.
1. O traballador, logo do aviso de polo menos 48 horas, salvo acreditada urxencia e xustificación posterior, atópase facultado para ausentarse do traballo mantendo o dereito á percepción de todos aqueles conceptos retributivos que non estean vincualados de forma expresa á prestación efectiva da actividade laboral, por algún dos motivos e polo tempo seguinte:
a) Quince días naturais en caso de matrimonio.
b) Tres días naturais por nacemento ou adopción dun fillo.
c) Un día por matrimonio de fillos.
d) Tres días naturais por falecemento do cónxuxe e parentes ata o segundo grao de consanguinidade ou afinidade.
e) Dous días naturais por enfermidade grave do cónxuxe e parentes ata o segundo grao de consanguinidade ou afinidade.
f) Un día por traslado de domicilio habitual.
g) Polo tempo necesario para concorrer a exames como consecuencia dos estudios que estea realizando en centros de ensino universitarios ou de formación profesional de carácter público ou privado, recoñecidos.
Cando polos motivos expresados nas letras b), c), d) e e), o traballador necesite efectuar un desprazamento para o efecto, os prazos sinalados neles incrementaranse en dous días naturais.
2. Nas mesmas condicións que as previstas no número 1 do presente artigo, o traballador poderá ausentarse do traballo polo tempo necesario para o cumprimento dun deber inescusable de carácter público e persoal. Cando conste nunha norma legal un período determinado de ausencia, aplicarase o que esta dispoña en canto á súa duración e compensación económica.
No suposto de que, polo cumprimento do deber ou desempeño do cargo público, o traballador perciba unha compensación económica, calquera que sexa a súa denominación, descontarase o importe desta da retribución a que tivese dereito na empresa.
Cando o cumprimento do deber antes referido supoña a imposibilidade de prestación de traballo en máis do vintecinco por cento das horas laborais nun período de tres meses, a empresa estará facultada para decidi-lo paso do traballador afectado á situación de excedencia forzosa, con tódolos efectos inherentes a ela.
3. Os traballadores, por lactación dun fillo menor de nove meses, terán dereito, sen ningunha perda de retribución, a unha hora diaria de ausencia ó traballo, que poderán dividir en dúas fraccións. A muller, por propia vontade e igualmente sen perda de retribución, poderá substituír este dereito por unha reducción da xornada laboral en media hora diaria coa mesma finalidade. No caso de que a nai e o pai traballen, este permiso poderá ser desfrutado unicamente por un deles.
4. O traballador que, por razóns de garda legal, teña ó seu coidado directo algún menor de seis anos ou un diminuído físico ou psíquico que non desempeñe outra actividade retributiva, terá dereito a unha reducción da xornada de traballo, coa diminución proporcional do salario, entre un tercio e un máximo da metade da duración daquela.
O exercicio deste dereito por parte do traballador durante os primeiros nove meses de vida do menor, é incompatible co previsto no número 3 do presente artigo.
Réxime económico
Artigo 18º.-Percepcións económicas.
1. Do conxunto de precepcións económicas, en diñeiro ou en especie, que o traballador obtén na relación de traballo por conta allea, unhas percíbeas como retribución ou contraprestación directa pola prestación do seu traballo e son as que constitúen o salario. Outras percíbeas como compensación de gastos, como prestacións e os seus complementos e indemnizacións ou por modificacións na súa rela
ción de traballo, e ningunha delas forma parte do salario por ser percepcións de carácter extrasalarial.
2. Percepcións económicas salariais:
a) Salario base é aquela parte da retribución que se fixa atendendo exclusivamente á unidade de tempo, co rendemento normal esixible, de acordo coa táboa salarial exposta no anexo I.
b) Complementos salariais ou cantidade que, se é o caso, deba engadírselle ó salario base, atendendo ás seguintes circunstancias distintas da unidade de tempo:
Persoais, tales como antigüidade consolidada, se é o caso.
De posto de traballo, tales como as derivadas de traballo, incentivos, traballos a obra feita, pluses de actividade ou asistencia ou horas extraordinarias.
As cantidades que as empresas lles aboen libre e voluntariamente ós seus traballadores.
As pagas extraordinarias e a retribución de vacacións.
3. Percepcións económicas non salariais:
a) As prestacións e indemnizacións da Seguridade Social e os seus complementos.
b) As indemnizacións ou suplidos por gastos que tivesen que ser realizados polo traballador como consecuencia da súa actividade laboral, tales como ferramentas e roupa de traballo, así como as cantidades que se aboen en concepto de axudas de custo, gastos de viaxe ou locomoción, pluses extrasalariais e aquelas diferencias de aluguer ou custo de vivenda que viñese percibindo o traballador, en aplicación do artigo 146.7º da derrogada, para o sector da construcción, ordenanza laboral da construcción.
c) As indemnizacións por cesamentos, mobilidade xeográfica, suspensións, extincións, resolucións de contrato ou despedimento e accidente de traballo e enfermidade profesional.
4. Aqueles complementos salariais que teñan carácter funcional ou circunstancial, como os de posto de traballo, os de calidade ou cantidade de traballo realizado, e as cantidades que as empresas aboen libre e voluntariamente, consideraranse non consolidables no salario do traballador e non se computarán como base das percepcións enumeradas no número 2 deste artigo.
Artigo 19º.-Estructura das percepcións económicas.
1. Conceptos salariais e extrasalariais que forman parte da táboa de percepcións económicas.
a) Os conceptos son os seguintes:
Salario base.
Gratificacións extraordinarias.
Pluses salariais.
Pluses extrasalariais.
b) No concepto gratificacións extraordinarias enténdese incluída a retribución de vacacións.
c) Nos pluses salariais considéranse incluídos tódolos complementos que se pacten, que constitúan contraprestación directa do traballo e non compensación de gastos orixinados por asistir ou realiza-lo traballo.
d) En pluses extrasalariais considéranse incluídos cantos conceptos se pacten de carácter indemnizatorio de gastos orixinados ó traballador pola prestación do seu traballo, tales como distancia, transporte, percorrido, ferramentas e roupa de traballo.
2. Dentro do citado espíritu de homoxeneización e racionalización, acórdase establece-las proporcións que deben gardar algúns dos conceptos, en relación co total anual pactado nas táboas de percepcións económicas do presente convenio.
a) Os conceptos de salario base e gratificacións extraordinarias definidas no artigo anterior, sumados, deberán quedar comprendidos entre o 65% e o 75% do total anual das táboas do convenio para cada categoría ou nivel.
b) O plus extrasalarial deberá quedar comprendido durante 1999 para cada categoría ou nivel retributivo, entre o 5% e o 8%.
Durante os restantes anos da vixencia do presente convenio, estas porcentaxes variarán segundo a seguinte escala:
Ano 2000 entre o 5% e o 7%.
Ano 2001 entre o 5% e o 7%.
c) Os pluses salariais sumados ocuparán a restante porcentaxe que resulte de aplica-los dous criterios anteriores sobre o total anual das táboas do convenio, para cada categoría ou nivel retributivo.
3. Ademais dos conceptos descritos, poderán existir no recibo de salarios dos traballadores as restantes percepcións a que fai referencia o artigo anterior.
Todo isto mentres subsistan estas obrigas no convenio xeral do sector da construcción.
Artigo 20º.-Devengo das percepcións económicas.
1. O salario base devengarase durante tódolos días naturais, polos importes que para cada categoría e nivel se establecen no anexo I.
2. Os pluses salariais de convenio devengaranse durante os días efectivamente traballados, polos importes que para cada categoría e nivel se fixen no anexo I.
3. Os pluses extrasalariais de convenio devengaranse durante os días de asistencia ó traballo, polos importes que se fixan no anexo I.
4. As pagas extraordinarias devengaranse por días naturais, na seguinte forma:
a) Paga de xuño: do 1 de xaneiro ó 30 de xuño.
b) Paga de Nadal: do 1 de xullo ó 31 de decembro.
5. A remuneración anual mencionada comprenderá tódalas percepcións económicas pactadas no convenio, por nivel e categoría profesional.
De acordo coas formas de devengo, a remuneración anual estará dada pola seguinte fórmula:
RA=Sbx335+{(PS+PE)xnº de días efectivos de traballo)}+vacacións+PX+PN.
RA=remuneración anual.
SB=salario base.
PS=pluses salariais.
PE=pluses extrasalariais.
PX=paga xuño.
PN=paga Nadal.
Artigo 21º.-Pagamento das percepcións económicas.
1. Pagamento do salario.
a) Tódalas percepcións, agás as de vencemento superior a un mes, aboaranse mensualmente, por períodos vencidos e dentro dos primeiros cinco días hábiles do mes seguinte ó do seu devengo, aínda que o traballador terá dereito a percibir quincenalmente anticipos cunha contía que non será superior ó 90% das cantidades devengadas.
b) As empresas destinarán ó pagamento a hora inmediatamente seguinte ó de remate da xornada ordinaria, nas datas habituais de pagamento. Cando por necesidades organizativas se realice o pagamento dentro da xornada laboral, esta interromperase e prolongarase despois do horario de traballo polo tempo empregado no pagamento, sen que en ningún caso tal prolongación poida exceder en máis dunha hora.
c) O tempo empregado no pagamento de retribucións e anticipos á conta delas quedará exento do cómputo da xornada laboral, considerándose como mera permanencia no centro de traballo e polo tanto non retribuído para ningún efecto.
d) As empresas quedan facultadas para paga-las retribucións e anticipos á conta deles, mediante cheque, transferencia ou outra modalidade de pagamento a través da entidade bancaria e financeira. Se a modalidade de pagamento fose o cheque, o tempo empregado no seu cobramento será por conta do traballador.
As empresas que veñan obrigadas a efectua-lo pagamento de salarios por talón bancario ingresarán o seu importe, por petición do traballador, na conta bancaria que sinale o traballador, sen que iso poida ocasionar mingua ou gasto ningún para os citados.
e) O traballador deberá facilitarlle á empresa o tempo do seu ingreso ou a súa incorporación, o seu número de identificación fiscal (NIF), de conformidade coa normativa aplicable ó respecto.
2. O réxime retributivo salarial, para tódolos traballadores comprendidos no presente convenio, será establecido para cada categoría profesional nas táboas salariais que figuran no anexo.
Para unha maior simplificación dos cálculos retributivos, como anexo ó presente convenio, tamén figurará a táboa de retribucións mensuais e anuais de tódalas categorías profesionais.
Para tódalas categorías os salarios estipúlanse mensualmente, con independencia do número de días naturais de cada mes.
Cando proceda a aplicación do salario/día, resolverase dividindo a retribución mensual por trinta (30).
O persoal que cese durante o período de prórroga do convenio, terá dereito a percibir como atrasos o tanto por cento que se determine a primeiro de ano entre a representación sindical e patronal, que terá como base o IPC previsto polo Goberno.
Artigo 22º.-Plus de asistencia, productividade, puntualidade.
O plus de asistencia, productividade e puntualidade cobrarao o traballador que, con rendemento normal e correcto e ademais coa debida puntualidade, non teña ningunha falta de asistencia non xustificada ó traballo.
Para estes efectos, non se entenden inxustificadas as faltas en situación de baixa por enfermidade ou accidente, período vacacional, licencias retributivas ó abeiro do CXSC e demais disposicións vixentes, e licencias retributivas con permiso ou expresa autorización da empresa.
O dito plus será satisfeito unicamente por xornada completa realmente traballada.
Polo seu carácter de complemento de calidade, queda excluído directamente da base de cálculo das horas extraordinarias.
Artigo 23º.-Perda do plus de asistencia, productividade e puntualidade.
1. Perderase o plus correspondente a dous días por faltas de puntualidade que totalicen máis de trinta minutos de atraso nun mes natural.
2. Perderase o plus correspondente a catro días por faltas de puntualidade que totalicen máis de corenta e cinco minutos de atraso nun mes natural.
3. Perderase a totalidade do plus mensual por faltas de puntualidade que sumen máis de dúas horas de atraso nun mes natural.
4. A primeira xornada non traballada completa, sen que se xustifique a falta suporá a perda de dous días de plus; a segunda, a perda de oito días de plus e a terceira a perda do plus mensual.
Para a determinación do plus diario, para efectos de penalización, dividirase o importe mensual entre vintecinco (25).
As faltas ou atrasos non xustificados computaranse dentro de cada mes natural.
Artigo 24º.-Horas extraordinarias.
As partes que asinan o presente convenio acordan a conveniencia de reducir ó mínimo indispensable a realización de horas extraordinarias, axustándose ós seguintes criterios:
a) As horas extraordinarias, en todo caso, pola súa natureza, serán voluntarias de acordo coas disposicións vixentes, agás as que teñan a súa causa en forza maior.
b) Considéranse horas extraordinarias estructurais as motivadas por pedidos ou puntas de producción, ausencias imprevistas, cambio de quenda e perda ou deterioración da producción, ou por calquera cir
cunstancia de carácter estructural que altere o proceso normal de producción.
c) O número de horas extraordinarias que realice cada traballador, agás nos supostos de forza maior, non excederá de 2 ó día, 20 ó mes e 80 ó ano.
d) Os importes das horas extraordinarias para cada unha das categorías é o que se determina na táboa anexo I.
e) As empresas, sempre e cando non se perturbe o normal proceso productivo, poderán compensa-la retribución das horas extraordinarias por tempos equivalentes de descanso.
No suposto de que se realizase a compensación prevista no parágrafo anterior, as horas extraordinarias compensadas non se computarán para os efectos dos límites fixados para elas na letra c deste artigo.
Complementos salariais
Artigo 25º.-Aumentos periódicos por anos de servicios.
Antigüidade consolidada.
Como consecuencia do Acordo Sectorial Nacional da Construcción sobre o concepto económico de antigüidade, asinado o 18 de outubro de 1996 (Boletín Oficial del Estado, do 21 de novembro), ámbalas partes asinantes asumen os seguintes compromisos:
a) Os traballadores manterán e consolidarán os importes ós que tivesen dereito polo complemento persoal de antigüidade o 21 de novembro de 1996.
Ó importe anterior asi determinado engadiráselle, se é o caso, a cada traballador que xa viñese percibindo algunha contía por este concepto, o importe equivalente á parte proporcional de antigüidade que o traballador tivese devengada e non cobrada o 21 de novembro de 1996, que se calculará, por defecto ou por exceso, por anos completos. Para o cálculo dos importes desta parte de antigüidade devengada e non cobrada, teranse en conta os importes que para cada categoría e nivel fixe cada convenio de ámbito inferior.
b) Os importes obtidos ó abeiro do previsto na letra a) manteranse invariables e por tempo indefinido como un complemento retributivo ad personam, é dicir, non sufrirán modificacións en ningún sentido e por ningunha causa, extinguíndose xuntamente coa extinción do contrato do traballador afectado coa súa empresa. O dito complemento retributivo ad personam reflectirase nos recibos oficiais de salario coa denominación de antigüidade consolidada.
Artigo 26º.-Gratificacións extraordinarias.
1. Os traballadores afectados polo presente convenio terán dereito exclusivamente a dúas pagas extraordinarias ó ano, que se aboarán nos meses de xuño e decembro, antes dos días 30 e 20 de cada un deles.
2. A contía das pagas extraordinarias será, para cada categoría ou nivel, o importe que fitura na táboa salarial do anexo I, máis antigüidade consolidada.
3. As ditas pagas extraordinarias non se devengarán mentres dure calquera das causas de suspensión de contrato previstas no artigo 45 do Estatuto dos traballadores.
Artigo 27º.-Proporcionalidade no devengo das pagas extraordinarias.
O importe das pagas extraordianrias para o persoal que, en razón da súa permanencia, non teña dereito á totalidade da súa contía, será rateado conforme os seguintes criterios:
a) O persoal que ingrese ou cese no transcurso de cada semestre natural devengará a paga en proporción ó tempo de permanencia na empresa durante este.
b) Ó persoal que cese no semestre respectivo faráselle efectiva a parte proporcional da gratificación no momento de realiza-la liquidación dos seus haberes.
c) O persoal que preste os seus serivcios en xornada reducida ou a tempo parcial devengará as pagas extraordinarias en proporción ó tempo efectivamente traballado.
Artigo 28º.-Premio de regularidade.
Este premio establéceno as empresas para fomenta-la regularidade na asistencia ó traballo, fixándose no importe dunha mensualidade do salario base de cada categoría profesional, sen antigüidade nin pluses, e nas seguintes condicións:
1. Con menos de oito faltas xustificadas ó traballo no ano natural percibirán o importe total do premio.
2. Con máis de oito faltas xustificadas ó traballo no ano natural e menos de quince, percibirán o 50% do premio.
3. Con máis de quince faltas xustificadas ó traballo no ano natural e ata 20 percibirán o 10% do premio.
4. Con vinteúnha ou máis faltas xustificadas ó longo de todo o ano natural, non percibirán cantidade ningunha referida a este premio.
5. Con cinco faltas inxustificadas ó longo de todo o ano natural, perderase todo dereito ó premio de regularidade no traballo, con independencia das sancións que, por faltas de asistencia, de acordo coas disposicións en vigor sobre a materia, lles poidan impoñe-las empresas ós traballadores.
6. Este premio será satisfeito polas empresas no mes de setembro, referido ó exercicio económico do ano anterior, se ben o seu cálculo económico se fará en función do salario base vixente para cada categoría profesional no momento en que proceda o aboamento.
Para estes efectos, os períodos de desfrute de vacacións anuais regulamentarias non se computarán como faltas xustificadas, así como as licencias retribuídas ó abeiro da lexislación vixente.
Artigo 29º.-Traballos excepcionalmente penosos, tóxicos, perigosos.
1. Ós traballadores que teñan que realizar labores que resulten excepcionalmente penosos, tóxicos ou perigosos, deberánselles aboar un incremento do 20% sobre o seu salario base. Se estas funcións
se efectuaran durante a metade da xornada ou en menos tempo, o plus será do 10%.
2. As cantidades iguais ou superiores ó plus fixado neste artigo que estean establecidas ou se establezan polas empresas, serán respectadas sempre que fosen concedidas polos conceptos de excepcional penosidade, toxicidade ou perigosidade, en tal caso non será esixible o aboamento dos incrementos fixados neste artigo. Tampouco estarán obrigadas a satisface-los aumentos, aquelas empresas que os teñan incluídos, en igual ou superior contía, no salario de cualificación do posto de traballo.
3. Se por calquera causa desapareceran as condicións de excepcional penosidade, toxicidade ou perigosidade, deixarán de aboarse os indicados incrementos, non tendo por tanto carácter consolidable.
4. No caso de discrepancia entre as partes sobre se un determinado traballo, labor ou actividade debe cualificarse como excepcionalmente penoso, tóxico ou perigoso, corresponde á autoridade laboral competente, mediante resolución fundada, e tralos informes técnicos oportunos, resolve-lo procedente.
Os incrementos económicos que, se é o caso, se deriven da citada resolución, terán efecto a partir da data da que a mesma fose notificada, agás que a resolución dispoña outra data.
A dita resolución será recorrible polas partes de acordo coa lexislación vixente.
Todo iso mentres subsista esta obriga no convenio xeral do sector da construcción.
Artigo 30º.-Traballos nocturnos.
O persoal que traballe entre as vintedúas horas e as seis da mañá, percibirá un plus de traballo nocturno equivalente ó 25 por cento do salario base da súa categoría.
Se o tempo traballado no período nocturno fose inferior a catro horas, aboarase un plus sobre o tempo traballado efectivamente. Se as horas nocturnas exceden de catro, aboarase o complemento correspondente a toda a xornada traballada.
Cando existan dúas quendas e en calquera delas se traballe soamente unha hora do período nocturno, non será aboada esta con complemento de nocturnidade.
Todo iso en mentres subsista esta obriga no convenio xeral do sector da construcción.
Indemnizacións non salariais
Artigo 31º.-Plus extrasalarial que comprende plus de transporte e plus de distancia.
Co fin de simplifica-lo cómputo de distancia entre o domicilio do traballador e o centro de traballo, así como as indemnizacións ou suplidos polos gastos ocasionados como consecuencia da súa actividade laboral, aboaráselles a tódolos traballadores, calquera que sexa a distancia que separe o centro de traballo do seu domicilio, as cantidades que figuran no anexo I.
Será satisfeito unicamente en xornada completa realmente traballada e non será cotizable para efectos da Seguridade Social e accidentes de traballo, precisamente pola súa condición de indemnizacións ou suplidos polos gastos realizados como consecuencia da súa actividade laboral.
Para a determinación deste plus diario, dividirase entre vintecinco (25) a cantidade que figura para cada categoría profesional no anexo I.
Artigo 32º.-Complemento de hospitalización.
No caso de accidente laboral acontecido no centro de traballo e en horario de traballo, e que dea lugar a hospitalización, a empresa aboará un complemento que, sumado ás prestacións regulamentarias por incapacidade laboral e transitoria, garanta o cento por cento da salario real e durante un período máximo de seis meses, salvo que remate antes o contrato de traballo ou a obra.
Artigo 33º.-Desprazamentos e axudas de custo.
Desprazamentos. En caso de desprazamento dos traballadores, o empresario poderá optar entre o aboamento das axudas de custo ou o pagamento dos gastos ocasionados, debidamente xustificados.
Axuda de custos. Establécese unha axuda de custos, igual para tódalas categorías, cos importes que se sinalan a seguir:
a) Axuda de custos completa. 2.500 ptas. diarias en desprazamentos, do traballador, en días illados ou consecutivos.
b) Media axuda de custos. 1.200 ptas. diarias en desprazamentos, do traballador, en días illados ou consecutivos.
Artigo 34º.-Locomoción.
1. Serán por conta da empresa os gastos de locomoción que se orixinen como consecuencia da situación de desprazamento, xa sexa poñendo medios propios á disposición do traballador, xa aboándolle a compensación de 24 pesetas/km.
2. Cando persoal desprazado que poida volver a pasa-la noite á súa residencia habitual tivese que empregar, como consecuencia do desprazamento, máis dunha hora en cada unha das viaxes de ida e volta ó lugar de traballo desde o centro de traballo correspondente utilizando medios ordinarios de transporte, o exceso aboaráselle a prorrata do salario de convenio.
Artigo 35º.-Indemnizacións por desgaste de ferramenta.
A indemnización para aqueles traballadores que a achegan, logo de determinación da empresa, será de 44 ptas. por cada día efectivo de traballo.
Artigo 36º.-Xubilación.
A) Xubilación voluntaria anticipada.
1. Os traballadores que cumprisen sesenta e tres anos e non teñan sesenta e cinco cando soliciten a xubilación, e esta sexa posible, terán dereito á percepción das indemnizacións económicas que se establecen a continuación, en función da idade do
traballador e dos seus anos de antigüidade na empresa:
AntigüidadeIdadeMeses
na empresaindemnización
2 a 52
6 a 103
11 a 20634
21 a 305
Máis de 306
2 a 51
6 a 102
11 a 20643
21 a 304
Máis de 305
As cifras da columna da dereita indican o número total de meses de salario en que se cuantifica a indemnización.
O salario mensual refírese á xornada normal, excluíndo, se é o caso, as horas extraordinarias.
2. Os requisitos para que haxa tal dereito son os seguintes:
a) Que se efectúe de mutuo acordo entre a empresa e traballador xubilable. O acordo reflectirase por escrito, establecendo claramente a cantidade que corresponde en concepto de indemnización, conforme a táboa anterior.
b) Que o traballador leve dous anos, como mínimo, de servicios interrompidos na empresa obrigada ó pagamento da indemnización, no momento de solicita-la xubilación anticipada.
Axuda por xubilación ós 65 anos.
Non obstante, o traballador que, cumpridos os 65 anos, leve 15 ou máis anos ó servicio da empresa, terá dereito a xubilarse, sen acordo coa empresa, percibindo 45 días de salario base máis antigüidade.
3. A xubilación voluntaria anticipada, nos termos establecidos e coa indemnización que proceda en cada caso segundo a táboa anterior, comprometerá o empresario a lle dar ocupación a outro traballador polo tempo estricto que lle faltase ó xubilable para cumpri-los sesenta e cinco anos. A contratación do traballador substituto deberá facerse consonte a unha prevista en cada momento pola lexislación vixente e, pola súa vez, cos seguintes condicionamentos:
a) Que non exista na empresa persoal fixo do cadro de persoal dispoñible, en expectativa de destino ou realizando outras funcións distintas ás da súa categoría laboral, para cubri-la vacante producida. O acordo da empresa e o traballador que se vaia xubilar deberá serlles comunicado de inmediato ós representantes dos traballadores no seo da empresa ou centro de traballo correspondente.
b) A contratación do traballador substituto farase para o posto e categoría profesional máis acorde coas necesidades da empresa, deixando a salvo as expectativas de promoción dos restantes traballadores da empresa de que se trate.
4. No caso de que tal indemnización pactada entre empresa e traballador xubilable fose superior á anteriormente establecida, a duración do contrato temporal ou eventual substituto poderá reducirse en tan
tos meses cantas mensualidades de máis se aboen en conceptos de indemnización.
B) Xubilación anticipada ós 64 anos como medida de fomento de emprego.
Haberá que aterse ó disposto ó respecto no Real decreto 1984/1985, do 17 de xullo.
C) Xubilación forzosa.
Como política de fomento de emprego e por necesidades do mercado de traballo no sector e con independencia das dúas clases de xubilación ás que se refiren os apartados inmediatamente precedentes, establécese a xubilación forzosa ós sesenta e cinco anos de idade, salvo pacto individual en contrario dos traballadores que teñan cuberto o período mínimo legal de carencia para obtela.
Artigo 37º.-Indemnizacións por morte e incapacidade permanente absoluta derivada de accidentes de traballo ou enfermidade común.
1. Establécense as seguintes indemnizacións para os traballadores afectados por este convenio:
a) En caso de morte derivada de enfermidade común ou accidente non laboral, o importe dunha mensualidade de tódolos conceptos das táboas do convenio aplicable, vixentes en cada momento.
b) En caso de morte, incapacidade permanente absoluta ou gran invalidez derivadas de accidente de traballo ou enfermidade profesional, a cantidade de 5.500.000 ptas. no ano 1999, 5.750.000 ptas. no ano 2000 e de 6.000.000 de ptas. no ano 2001; para a súa cobertura as empresas subscribirán unha póliza individual ou colectiva que terán que exhibirlle ó traballador que así o solicite.
2. Salvo designación expresa de beneficiarios polo asegurado, a indemnización faráselle efectiva ó traballador accidentado, ou no caso de falecemento, ós habentes-causa.
A indemnización comezará a obriga-lo día 1º do mes seguinte ó da entrada en vigor do convenio, e o seu importe considerarase entrega a conta das cantidades que, como indemnización con cargo á empresa declarada responsable de accidente de traballo ou enfermidade profesional, fixen os tribunais de calquera orde xurisdiccional.
Outras disposicións
Artigo 38º.-Traballos de superior categoría.
1. Por necesidades organizativas, de producción ou de contratación, o traballador poderá ser destinado a ocupar un posto de superior categoría á que tivese recoñecida, por prazo que non exceda de seis meses durante un ano ou oito durante dous anos, e tendo dereito a percibir, mentres se atope en tal situación, a remuneración correspondente á función efectivamente desempeñada.
2. Transcorrido o dito período, o traballador poderá reclamar da empresa a clasificación profesional adecuada e, se esta non resolvese favorablemente ó respecto no prazo de quince días hábiles e logo do informe, se é o caso, dos representantes legais dos traballadores, poderá reclamala perante a xurisdicción competente, e producirá efectos se estiman a
reclamación e, unha vez firme a resolución correspondente, a partir do día no que o interesado solicitou a súa adecuada clasificación.
3. Cando se realicen funcións de categoría superior, pero non proceda o ascenso por non reuni-lo interesado os requisitos precisos ó respecto, o traballador terá dereito a percibi-la diferencia retributiva existente entre a categoría asignada e a da función efectivamente realizada.
4. Exceptúanse do anteriormente disposto os traballos de categoría superior que o traballador realice de común acordo coa empresa, co fin de prepararse para o ascenso.
5. O disposto neste artigo non será aplicable, agás no que se refire á retribución, nos supostos de substitución por servicio militar ou prestación social substitutoria, incapacidade temporal, maternidade, permisos e excedencias, nos que a substitución comprenderá todo o tempo que duren as circunstancias que a motivasen.
Todo isto mentres subsista esta obriga no convenio xeral do sector da construcción.
Artigo 39º.-Traballos de inferior categoría.
1. A empresa, por necesidades perentorias, transitorias ou imprevisibles, poderá destinar un traballador a realizar tarefas correspondentes a unha categoría profesional inferior á súa polo tempo imprescindible, comunicándollo ós representantes legais dos traballadores, se os houber; o interesado non poderá negarse a efectua-lo traballo encomendado, sempre que iso non prexudique a súa formación profesional. Nesta situación o traballador seguirá percibindo a remuneración que pola súa categoría e función anterior lle corresponda.
2. A un traballador non se lle poderá impo-la realización de traballos propios de categoría inferior máis de tres meses ó ano, mentres tódolos traballadores da mesma categoría non rotasen na realización das ditas tarefas. Non se considerarán, para efectos do cómputo, os supostos de avaría ou forza maior.
3. Se o destino de inferior categoría profesional fose solicitado polo propio traballador, asignaráselle a este a retribución que lle corresponda pola función efectivamente desempeñada, pero non se lle poderá esixir que realice traballos de categoría superior a aquela pola que se é retribuído.
Todo isto mentres subsista esta obriga no convenio xeral do sector da construcción.
Artigo 40º.-Roupa de traballo.
As empresas comprendidas no presente convenio entregaranlle ó persoal operario nos meses de xaneiro e xullo de cada ano, unha funda de traballo. Os de nova incorporación recibirán a dita peza de roupa unha vez transcorrido o período de proba, e as seguintes, nas datas nas que se lle entreguen ó resto do cadro de persoal.
Artigo 41º.-Salario mínimo interprofesional.
O salario mínimo interprofesional non modificará a estructura do presente convenio nin a contía das
retribucións pactadas nel, sempre e cando se lle garantan ó traballador ingresos superiores, en cómputo anual, ós mínimos fixados polas disposicións daquel salario mínimo interprofesional.
Artigo 42º.-Seguridade e saúde no traballo.
Haberá que aterse, en todo momento, ó disposto no Estatuto dos traballadores, convenio xeral da construcción e demais lexislación vixente sobre a materia.
As partes signatarias acordan constituí-la Comisión Mixta Paritaria Provincial Sectorial de Seguridade e Hixiene, integrada por un representante de cada unha das centrais sindicais asinantes deste convenio, e un número de representantes da Asociación Provincial de Empresarios da Construcción de Lugo igual ó total das centrais sindicais.
Serán funcións desta comisión:
a) Solicitar ó Ministerio de Traballo e ó Goberno da Xunta de Galicia o recoñecemento oficial como interlocutor social sectorial en materia de seguridade e hixiene, tanto no seu aspecto lexislativo coma no desenvolvemento dos plans e medidas formativas.
b) Estudiar e acorda-los mecanismos oportunos de coordinación da información provincial en materia de sinistralidade no sector, que subministrarán as comisións específicas provinciais ou, no seu defecto, as comisións paritarias dos convenios.
c) Promover cantas medidas considere tendentes a mellora-la situación do sector nesta materia, tendo como obxecto fundamental estende-la preocupación pola seguridade a tódolos niveis, fomentando campañas de mentalización, etc.
d) Acomete-las xestións necesarias para obte-los medios que lle permitan desenvolve-las súas funcións coa eficacia adecuada.
Artigo 43º.-Contrato para traballo fixo de obra.
É o contrato que ten por obxecto a realización dunha obra ou traballo determinados.
Este contrato formalizarase sempre por escrito e segundo modelo do anexo III.
A duración do contrato e o cesamento do traballador axustaranse a algúns destes supostos:
1. Con carácter xeral, o contrato é para unha soa obra, con independencia da súa duración, e rematará cando rematen os traballos do oficio e categoría do traballador na dita obra.
O cesamento dos traballadores deberá producirse cando a realización paulatina das correspondentes unidades de obra fagan innecesario o número dos contratados para a súa execución, debendo reducirse este de acordo coa diminución real do volume de obra realizada.
O cesamento dos traballadores fixos de obra por finalización dos traballos do seu oficio e categoría, deberá comunicárselle por escrito ó traballador cunha antelación de quince días naturais. Non obstante, o empresario poderá substituír este aviso previo por unha indemnización equivalente á cantidade correspondente ós días de aviso previo omitidos, calculada sobre os conceptos salariais das táboas do
convenio, todo iso sen prexuízo da notificación escrita do cesamento.
A citada indemnización debera incluírse no recibo de salarios coa liquidación correspondente ó cesamento.
2. Non obstante o anterior, logo de acordo entre as partes, o persoal fixo de obra poderá prestar servicios a unha mesma empresa e en distintos centros de traballo dunha mesma provincia, durante un período máximo de tres anos consecutivos, sen perde-la dita condición, e devengando os conceptos compensatorios que correspondan polos seus desprazamentos.
Neste suposto, a empresa deberá comunicarlle por escrito o cesamento ó traballador antes de se cumpri-lo período máximo de tres anos fixados no parágrafo anterior; cumprido o período máximo de tres anos, se non mediase comunicación escrita de cesamento, o traballador adquirirá a condición de fixo de cadro de persoal. En canto ó aviso de cesamento, haberá que aterse ó pactado no suposto primeiro.
3. Se se producise a paralización temporal dunha obra por causas imprevisibles para o empresario principal e allea á súa vontade, tras notificarllo a empresa á representación dos traballadores do centro ou, no seu defecto, á comisión paritaria provincial, disporán, se é o caso, dun prazo máximo improrrogable dunha semana para a súa contestación, contada desde a notificación. O empresario contrae tamén a obriga de ofrecerlle un novo emprego ó traballador cesado, cando as causas de paralización da obra desaparecesen. A dita obriga entenderase extinguida cando a paralización se convirta en definitiva. Logo de acordo entre as partes, o persoal afectado por este remate de obra poderá incluírse no regulado para o segundo suposto.
Este suposto non poderá ser de aplicación en casos de paralización por conflicto laboral.
Nos supostos primeiro, segundo e terceiro establécese unha indemnización por cesamento do 4,50%, calculada sobre os conceptos salariais das táboas do convenio devengados durante a vixencia do contrato.
Artigo 44º.-Outras modalidades de contratación.
1. Os traballadores que formalicen contratos dos regulados no Real decreto 2546/1994, ou norma que o substitúa, ou formalizasen contratos de fomento de emprego dos regulados polo Real decreto 1989/1984 con anterioridade a súa derrogación, exceptuando contrato de fixo de obra regulado no artigo anterior, terán dereito, unha vez rematado o contrato correspondente por expiración do tempo convido, a percibir unha indemnización de carácter non salarial por cesamento do 7%, se a duración fose igual ou inferior a trescentos sesenta e cinco días, e do 4,5% se a duración fose superior a trescentos sesenta e cinco días, calculada sobre os conceptos salariais das táboas do convenio aplicable devengados durante a vixencia do contrato.
Estes contratos formalizaranse sempre por escrito.
2. O contrato de duración determinado previsto no número 1 b) do artigo 15 do Estatuto dos traballadores poderá concertarse para cubrir postos en centros de traballo que non teñan a consideración de obra, tendo unha duración máxima de doce meses nun período de dezaoito meses, e esta duración computarase desde que se produza a causa que xustifica a súa celebración. En tales supostos, considérase que se produce a causa que xustifica a celebración do citado contrato, nos casos previstos no Estatuto dos traballadores, cando se incremente o volume de traballo ou se considere necesario aumenta-lo número de persoas que realicen un determinado traballo ou presten un servicio.
3. As empresas afectadas por este convenio, cando utilicen os servicios de traballadores con contratos de posta á disposición, aplicarán as condicións pactadas nel.
4. Contrato para a formación.
4.1. O sector recoñece a importancia que o contrato para a formación pode ter para a incorporación, con adecuada preparación, de determinados colectivos de mozos. Esta preparación debe recoller tanto o aspecto práctico de cada oficio como un coñecemento e adecuación ó sistema educativo xeral. Debemos, por iso, indica-la oportunidade de que a formación teórica e práctica, correspondente ós contratos para a formación se leve a cabo a través das institucións formativas de que se dotou o sector.
4.2. O contrato para a formación terá como obxecto a adquisición da formación teórica e práctica necesaria para o adecuado desempeño dun oficio cualificado no sector da construcción.
4.3. Sen prexuízo da posible adaptación a novas tecnoloxías e de resultas da clasificación profesional actualmente prevista no artigo 31 do convenio xeral do sector da construcción, poderán ser obxecto deste contrato para a formación os oficios incluídos nos niveis VIII e IX da disposición transitoria primeira do convenio xeral do sector da construcción.
4.4. O contrato para a formación poderase celebrar con traballadores que cumprisen os dezaseis anos e sexan menores de vinteún anos, que non teñan a titulación requirida para formalizar contato en prácticas no oficio ou posto de formación, ou que aprobasen algún curso de formación profesional ocupacional homologado da mesma especialidade e cun número de horas teóricas equivalente ou superior ás previstas para a formación.
4.5. O tipo de traballo que debe presta-lo traballador en formación estará directamente relacionado coas tarefas propias do oficio ou posto cualificado, entre os que se inclúen os labores de limpeza e mantemento dos utensilios e ferramentas empregados no labor conxunto, coa dilixencia correspondente á súa aptitude e coñecementos profesionais.
Non poderán ser contratados baixo esta modalidade, por razón de idade, os menores de dezaoito anos para os oficios de vixilante, poceiro e esteador, nin para aquelas tarefas ou postos de traballo que expresamente fosen declarados como especialmente
penosos, tóxicos, perigosos e insalubres, con independencia da prohibición legal de realizar horas extraordinarias e traballo nocturno en calquera actividade.
4.6. A duración do contrato non poderá ser inferior a seis meses nin exceder dos tres anos, sen prexuízo do establecido no número 4.10.
Cando se celebre por un prazo inferior ó máximo establecido no parágrafo anterior, poderá prorrogarse antes do seu remate por acordo entre as partes, unha ou máis veces, por períodos non inferiores a seis meses, sen que o tempo acumulado, incluído o das prórrogas, poida exceder do referido prazo máximo. O aviso previo de remate do contrato deberá axustarse ós prazos e forma que indica o artigo 28.1º do convenio xeral do sector da construcción.
Expirada a duración máxima do contrato para a formación, o traballador non poderá ser contratado baixo esta modalidade pola mesma ou distinta empresa.
4.7. Para a impartición do ensino teórico adoptarase como modalidade a de acumulación de horas nun día da semana ou ben o necesario para completar unha semana enteira de formación. No contrato deberase especifica-lo horario de ensino.
O empresario, no contrato de traballo, está obrigado a designa-la persoa que actuará como titor do traballador en formación, que deberá ser aquela que, polo seu oficio ou posto cualificado, desenvolve a súa actividade auxiliada por este; poderá asumi-las titorías o propio empresario, sempre que desenvolva a súa actividade profesional na mesma obra có traballador en formación.
4.8. A retribución dos contratos para a formación será a seguinte:
Táboas salariais de contratados para a formación:
De dezaseis e dezasete anos:
Primeiro ano: 55%.
Segundo ano: 60%.
De dezaoito e vinteún anos:
Primeiro ano: 65%.
Segundo ano: 70%.
Porcentaxes referidas ó salario no nivel IX das táboas de cada convenio.
A dita retribución enténdese referida a unha xornada do 100% de traballo efectivo.
4.9. O plus extrasalarial regulado no artigo 64 do convenio xeral do sector da construcción devengarase polos contratos en formación en igual contía có sinalado no respectivo convenio colectivo provincial para o resto dos traballadores, durante os días que dure o contrato.
4.10. Toda situación de incapacidade temporal do contratado para a formación inferior a seis meses comportará a ampliación da duración do contrato por igual tempo a aquel no que o contrato estivese suspendido.
4.11. Se, concluído o contrato, o contratado para a formación non continuase na empresa, esta entregaralle un certificado acreditativo do tempo traba-
llado con referencia ó oficio obxecto da formación e do aproveitamento que, ó seu xuízo, obtivo na súa formación práctica.
Así mesmo, o traballador contratado para a formación terá dereito a unha indemnización por cesamento do 4,5%, calculada sobre os conceptos salariais das táboas do convenio devengados durante a vixencia do contrato.
A Fundación Laboral da Construcción, a través dos seus centros propios ou colaboradores, dará a cualificación a través das probas correspondentes, previamente homologadas, tanto do aproveitamento teórico coma práctico, e decidirá o seu pase á categoría de oficial.
Todo isto mentres subsistan estas obrigas no Convenio Xeral do Sector da Construcción.
Artigo 45º.-Formación continua.
Para aqueles traballadores que asistan a accións formativas presenciais, correspondentes á convocatoria da Forcem, durante os anos de vixencia do presente acordo, xestionadas pola Fundación Laboral da Construcción, o 50% das horas que precise esa acción será dentro da xornada laboral, ou deduciranse desta na dita porcentaxe, sempre que se dean as seguintes condicións:
a) A empresa poderá denega-la asistencia dun traballador a unha acción formativa, mediante resolución motivada, por razóns técnicas, organizativas ou de producción. En caso de denegación, o traballador poderá recorrer perante a Comisión Territorial da FLC.
b) Os traballadores que poden asistir ás accións formativas recollidas neste artigo non superarán anualmente o 10% dos cadros de persoal nin, naqueles centros de traballo con menos de 10 traballadores, poderá concorrer máis dun.
c) O 50% das horas por conta da empresa suporá un máximo anual de 20 horas por traballador, que se poderán distribuír nunha ou varias accións formativas.
d) O traballador solicitante deberá ter superado o período de proba e ter, en todo caso, unha antigüidade mínima dun mes na empresa.
e) Durante as horas formativas por conta da empresa, o traballador terá dereito ó salario que lle correspondería como se estivese traballando en xornada ordinaria.
f) O traballador deberá acreditar ante a empresa a asistencia á correspondente acción formativa.
g) Os permisos individuais de formación, recollidos no II Acordo Nacional de Formación Continua, rexeranse polos dispostos nel.
Artigo 46º.-Conversión de contratos temporais en indefinidos.
De conformidade coa remisión á negociación colectiva contida no número 2 b) da disposición adicional primeira da Lei 63/1997, do 26 de decembro, acórdase que a partir do 16 de maio de 1998, os contratos de duración determinada ou temporal, incluídos os contratos formativos, poderán ser con
vertidos en contratos para o fomento da contratación indefinida, suxeitos ó réxime xurídico establecido na expresada disposición adicional.
Artigo 47º.-Integración social de minusválidos.
Para os efectos do previsto no artigo 38.1º da Lei 13/1982, do 7 de abril, de integración social de minusválidos, e tendo en consideración que as actividades e traballos nas obras comportan riscos para a saúde e seguridade dos traballadores, o cómputo do 2% realizarase sobre o persoal adscrito a centros de traballo permanentes.
Artigo 48º.-Antigüidade dos candidatos en eleccións de representantes dos traballadores.
En desenvolvemento do disposto no artigo 69.1º do Estatuto dos traballadores e pola mobilidade do persoal no sector, acórdase que, no ámbito deste convenio colectivo, poderán ser elixibles os traballadores que teñan dezaoito anos cumpridos e unha antigüidade na empresa, polo menos, de tres meses.
Artigo 49º.-Recibo liquidación.
1. O recibo liquidación da relación laboral entre empresa e traballador deberá ser conforme o modelo que figura como anexo IV deste convenio. A Asociación Provincial de Empresarios da Construcción de Lugo editarao e proverá de exemplares a tódalas empresas do sector da provincia.
2. Toda comunicación de cesamento ou de aviso previo de cesamento deberá ir acompañada dunha proposta de liquidación do modelo citado. Cando se utilice como proposta, non será preciso cubri-la parte que figura despois da data e lugar.
3. O recibo de liquidación, que será expedido pola Asociación Provincial de Empresarios da Construcción de Lugo, numerado, selado e datado, terá validez unicamente dentro dos quince días seguintes á data na que foi expedido. A organización patronal que o expida estará obrigada a levar un rexistro que conteña os datos anteriormente expresados.
4. Unha vez asinado polo traballador, o recibo de liquidación producirá os efectos liberatorios que lle son propios.
5. Nos supostos de extinción de contrato de vontade do traballador non serán de aplicación os parágrafos 2 e 3 deste artigo.
6. O traballador poderá estar asistido por un representante dos traballadores ou, no seu defecto, por un representante sindical dos sindicatos asinantes do presente convenio no acto da sinatura do recibo liquidación.
Aviso previo de cesamento
O persoal que cese incumprindo o requisito de comunicarllo á empresa por escrit,o con dez días de antelación, efectivos de traballo, perderá unicamente o dereito ó cobramento de tódalas percepcións correspondentes ós días de atraso no aviso previo.
Artigo 50º.-Médico de empresa.
As empresas que estivesen ou non obrigadas, por disposición legal, a contar co servicio de médico de empresa, quedan facultadas para constituí-lo dito
servicio por si soas, por agrupación dunha delas, ou ben establecendo un servicio común por mediación da Asociación Provincial de Empresarios da Construcción de Lugo.
Sempre que as mutuas patronais ou mutualidades laborais, que cubran os riscos de accidente de traballo en cada empresa, desexen realizar recoñecementos médicos sobre posibles enfermidades profesionais, así como cando o Gabinete de Seguridade e Hixiene de Lugo programe recoñecementos periódicos no sector, as empresas estarán obrigadas a concede-lo tempo necesario para realizar estas revisións médicas, logo da debida citación por escrito, na que deberán figurar día, hora e lugar de recoñecemento.
Artigo 51º.-Dos sindicatos e dos comités de empresa.
Haberá que aterse ó disposto para o efecto no convenio xeral do sector de construcción e demais lexislación aplicable.
Artigo 52º.-Comisión mixta paritaria.
Para interpreta-lo contido deste convenio, vixia-lo cumprimento e exercer funcións de arbitraxe nos problemas ou cuestións suscitadas como consecuen
cia da súa aplicación, noméase unha comisión mixta paritaria, integrada por un presidente, que será o da comisión deliberadora, e como vocais, un representante por cada unha das centrais sindicais que asinan o convenio e un número de representantes da Asociación Provincial de Empresarios da Construcción de Lugo, igual ó total dos das centrais sindicais; sendo secretario o vocal de menor idade.
As partes poderán solicitar un asesor ou experto, cada unha delas.
As partes sométenlle expresamente á dita comisión mixta paritaria cantos problemas xurdan, individuais ou colectivos, na aplicación do presente convenio. A este respecto fíxase como requisito de procedibilidade a sumisión previa do asunto á comisión mixta paritaria do presente convenio.
Artigo 53º
No non previsto por este convenio aplicarase o disposto no convenio colectivo xeral do sector da construcción e Acordo Sectorial Nacional e demais normativa legal e regulamentaria, entendéndose derrogada a Ordenanza laboral da construcción do 28-8-1970, agás en materia de clasificación profesional.
ANEXO I
Táboa de retribucións
Vixencia do 1-1-1999 ó 31-12-1999
Punt.
extra
Mensual Anual
Niv. Categoría Salario Complemtos Compl. Total Vacac. Gratificacións Total Valor
I-L base Asist./Prod.
Extrasal. Xullo Nadal anual hora
II Titulado superior 134.736 5.781 15.907 156.424 158.431 158.431 158.431 2.195.957 1.309
III Titulado medio, xefe Admvo. 1ª, xefe Secc. Org. 1ª 113.537 15.140 14.436 143.113 140.179 140.179 140.179 1.994.780 1.018
IV Xefe de persoal, Axte. de obra, encargado xeral de fábrica, encargado xeral 97.686 20.851 13.201 131.738 126.003 126.003 126.003 1.827.127 1.013
V Xefe administrativo de 2ª, delineante superior, encargado xeral de obra, xefes de sección de organización científica do traballo de 2ª, xefe de compras 87.812 27.507 12.738 128.057 118.296 118.296 118.296 1.763.515 1.008
VI Ofic. Admvo. de 1ª, delineante de 1ª, xefe ou encargado de taller, encargado de sección de laboratorio, escultor de pedra e mármore, práctico de topografía de 1ª, técnico de organización, encargado de obra 84.481 27.318 12.349 124.148 114.801 114.801 114.801 1.710.031 1.003
VII Delineante de 2ª, técnico de organización de 2ª, práctico de topografía de 2ª, analista de 1ª, viaxante, especialista de oficio, capataz 81.989 27.426 12.078 121.493 112.120 112.120 112.120 1.672.783 987
VIII Oficial Admvo. 2ª, corredor de praza, inspector de control, sinalización e servicios, analista de 2ª, oficial 1ª de oficio 81.830 25.168 11.848 118.846 111.251 111.251 111.251 1.641.059 957
IX Auxiliar Admvo., Axte. topográfico, Aux. Organiz., vendedor, conserxe, oficial 2ª de oficio 77.917 23.512 11.287 112.716 106.639 106.639 106.639 1.559.793 941
X Auxiliar de laboratorio, vixilante, almaceneiro, enfermeiro, cobrador, garda xurado, especialista de 1ª, axudante de oficio 77.917 22.085 11.116 111.118 106.071 106.071 106.071 1.540.511 921
XI Especialista de 2ª, peón especial 77.866 21.429 11.074 110.385 105.825 105.825 105.825 1.531.710 905
XII Limpadora, peón ordinario 77.866 19.823 10.749 108.438 105.147 105.147 105.147 1.508.259 864
ANEXO V
Acordo sectorial nacional da construcción para
os anos 1999, 2000 e 2001
Preámbulo.
As partes signatarias, integradas pola Federación Estatal de Construcción, Madeira e Afíns de Comisións Obreiras (Fecoma-CC.OO.), e Metal, Construcción e Afíns, Federación Estatal de UGT (MCA-UGT), ámbalas dúas en representación laboral e a Confederación Nacional da Construcción (CNC), en representación empresarial, como organizadores máis respesentativas do sector da construcción nos seus respectivos ámbitos, e facendo uso das previsións contidas no artigo 3.2º do Convenio Xeral do Sector da Construcción (CXSC), acordan:
Artigo 1º.-Ámbito persoal e funcional.
Quedan obrigados polas disposicións do presente Acordo Sectorial Nacional (ASN) tódalas organizacións, asociacións e entidades que integren empresas e traballadores afectados polo ámbito funcional do Convenio Xeral do Sector da Construcción (CXSC).
Artigo 2º.-Ámbito territorial.
O presente acordo será de aplicación en todo o territorio do Estado español.
Artigo 3º.-Ámbito temporal.
Este acordo estará vixente nos anos 1999, 2000, 2001, logo da súa publicación no Boletín Oficial del Estado.
Artigo 4º.-Alcance obrigacional e normativo.
1. As partes que subscriben o presente acordo, na súa condición de organizacións máis representativas do sector, de conformidade co disposto na Lei orgánica de liberdade sindical, incorporarán obrigatoriamente os ditos acordos ós convenios colectivos provinciais que se negocien para os anos 1999, 2000 e 2001.
2. Os convenios provinciais que estean en vigor parte do ano manterán as condicións neles xa pactadas, en todo o seu contido, ata o seu termo temporal, en que se aplicará o disposto no número anterior.
3. Os pactos contidos no presente acordo serán de preferente aplicación sobre calquera outra disposición legal de carácter xeral que rexera nas materias por el reguladas, salvo que sexan de dereito necesario, substituíndoas, por tanto, durante a súa vixencia.
Artigo 5º.-Xornada.
De acordo co establecido no artigo 70 do Convenio Xeral do Sector da Construcción, a xornada ordinaria anual durante o período de vixencia deste acordo será de 1.760 horas de traballo efectivo durante os anos 1999 e 2000 e de mil setecentas cincuenta e seis horas durante o ano 2001.
Artigo 6º.-Incrementos económicos.
1. Para o ano 1999, os convenios provinciais aplicarán un incremento do dous con trinta por cento (2,30%) sobre os conceptos de salario base, gratificacións extraordinarias, retribución de vacacións, e pluses salariais e extrasalariais.
Para os anos 2000 e 2001 os convenios provinciais aplicarán, respectivamente, sobre os conceptos mencionados no parágrafo anterior-un incremento igual ó da previsión de inflación establecida para o ano respectivo na Lei de orzamentos xerais do Estado máis un 0,45% no ano 2000, e un 0,40% no ano 2001.
2. O importe das axudas de custo e medias axudas de custo, de acordo co disposto no artigo 85.6º do convenio xeral do sector fixarase no marco dos respectivos convenios colectivos provinciais.
3. Os convenios provinciais fixarán o prazo de pagamento dos atrasos correspondentes.
Artigo 7º.-Cláusula de garantía.
1. No suposto de que o incremento anual do Índice de Prezos ó Consumo (IPC) o 31 de decembro de 1999 supere o 1,8% correspondente ó IPC previsto para 1999 nos orzamentos xerais do Estado efectuarase unha revisión económica para ese ano no exceso producido, para efectos de que sirva de base para as táboas salariais dos convenios do ano seguinte.
O mesmo criterio fixado no parágrafo anterior operará, se é o caso, para a revisión económica dos anos 2000 e 2001, cando o IPC o 31 de decembro supere o IPC previsto nos orzamentos xerais do Estado respectivos, que servirán de base para fixa-los incrementos salariais sinalados no artigo 6º.1 do presente acordo.
2. A dita revisión, se é o caso, afectará os conceptos previstos no artigo 6º.1.
3. Esta cláusula adaptarase ó período de vixencia de cada convenio colectivo.
Artigo 8º.-Formación continua.
Para aqueles traballadores que asistan a accións formativas presenciais, correspondentes ás convocatorias da Forcem, durante os anos de vixencia do presente acordo, xestionadas pola Fundación Laboral da Construcción, o 50% das horas que precise esa acción será dentro da xornada laboral, ou deduciranse da mesma na dita porcentaxe, sempre que se dean as seguintes condicións:
a) A empresa poderá denega-la asistencia dun traballador a unha acción formativa, mediante resolución motivada, por razóns técnicas, organizativas ou de producción. Se é o caso de denegación o traballador poderá recorrer perante a Comisión Territorial da FLC.
b) Os traballadores que puidesen asistir ás accións formativas previstas no artigo non superarán anualmente ó 10% dos cadros de persoal, nin en aqueles centros de traballo con menos de 10 traballadores, poderá concorrer máis de un.
c) O 50% das horas por conta da empresa suporá un máximo anual de 20 horas por traballador, podendo distribuírse nunha ou varias accións formativas.
d) O traballador solicitante deberá ter superado o período de proba e ter, en todo caso, unha antigüidade mínima dun mes na empresa.
e) Durante as horas formativas por conta da empresa o traballador terá dereito ó salario que lle correspondería como se estivera traballando na xornada ordinaria.
f) O traballador deberá acreditar perante a empresa a asistencia da correspondente acción formativa.
g) Os permisos individuais de formación, recollidos no II Acordo Nacional de Formación Continua, rexeranse polo disposto no mesmo.
Artigo 9º.-Comisión paritaria.
1. Acórdase constituír unha comisión paritaria para a interpretación e seguimento do pactado neste acordo.
2. Dita comisión estará composta por un máximo de 12 membros, que serán designados por metades cada unha das dúas partes, sindical e empresarial, na forma que decidan as respectivas organizacións.
3. Os acordos da comisión paritaria adoptaranse, en todo caso, por unanimidade de ámbalas partes, sindical e empresarial. Os seus acordos interpretativos deste Acordo Sectorial Nacional terán a mesma eficacia que a da cláusula que fose interpretada.
4. O funcionamento da comisión realizarase da forma que a mesma acorde, asumíndose xa os acordos ó respecto adoptados pola comisión paritaria do artigo 20 do Convenio Xeral do Sector da Construcción, así como o procedemento para solventa-las posibles discrepancias, previsto no ASEC e asumido polas partes no Convenio Xeral do Sector da Construcción.
5. En todo caso, a comisión paritaria reunirase nos meses de xaneiro dos anos 2000 e 2001 para enviar ó Boletín Oficial do Estado a suba salarial aplicable a ese ano e, en todo caso, a revisión económica prevista no artigo 7º do presente acordo.
Artigo 10º.-Denuncia.
Para dar cumprimento ó previsto no artigo 85.2º d) do texto refundido da Lei do Estatuto dos traballadores, as partes signatarias fan constar expresamente que o presente acordo non precisa denuncia previa para a súa total extinción o 31 de decembro do ano 2001.
