O Decreto 110/1999, do 8 de abril (DOG do 5 de maio), polo que se crea e regula o Consello Galego de Formación Profesional, establece no seu artigo 5.2º que os membros do Consello Galego de Formación Profesional e os seus suplentes serán nomeados polo titular da Consellería de Educación e Ordenación Universitaria, por proposta de cada un dos grupos ou consellerías que representan, e que o seu cesamento se levará a cabo deste mesmo xeito.
En consecuencia, por proposta da Consellería de Industria e Comercio
DISPOÑO:
Artigo 1º.-O cesamento de Joaquín del Moral Crespo como vocal titular, en representación da Consellería de Industria e Comercio, no Consello Galego de Formación Profesional.
Artigo 2º.-Designar a Ramón Ordás Badía como vocal titular, en representación da Consellería de Industria e Comercio, no Consello Galego de Formación Profesional.
Santiago de Compostela, 11 de xaneiro de 2000.
Celso Currás Fernández
Conselleiro de Educación e Ordenación Universitaria